艾夫拿：想買我？殺左費Sir先！

上星期《獨立報》報導，巴黎聖日耳門諗住向艾夫拿報價500萬鎊，並提供超過9萬鎊的周薪，而且費格遜亦都好唔滿意艾夫拿近兩個球季的表現。假如艾夫拿真係會離隊，曼聯將會全力收購愛華頓的拜恩斯！
不過艾夫拿就好快否認左呢單傳聞，由06年從摩納哥加盟曼聯至今，艾夫拿就成為左閘的必然正選，現在仲成為曼聯的副隊長，佢同曼聯的合約2014年到期。佢對於轉會轉聞，佢就同法國Canal+講：「你問呢條問題係咪真嫁？我同曼聯的合約仲有一年有多，我現在仲係曼聯的隊長。假如巴黎聖日耳門想曼聯賣左我，唔該你殺左費Sir先。我覺得呢個傳言無啲根據性，而且我係曼聯覺得好開心。」
97年艾夫拿曾經係巴黎聖日耳門參加試腳，但就唔可以藉個次機會留係PSG，後來艾夫拿去到意大利先可以踢職業比賽。佢亦表示：「巴黎聖日耳門咁樣的球隊對自己有興趣係應該要開心，特別我係一個巴黎人。」
今個球季之前，費Sir亦都承認左閘係曼聯後防最弱的位置，並且用左400萬鎊收購畢特拿，不過佢的表現比艾夫拿更加差！歐聯對布拉加兩個失球亦都同佢有關，英聯盃對車路士又送左個12碼比人地。所以令31歲的艾夫拿繼續係曼聯左閘的首選，差唔到所有賽事都由佢做正選，今季佢已經有15次出場紀錄，入左兩球，並交出兩個助攻。