小豆當選曼聯11月份最佳球員！！ 精選

曼聯官網公佈11月份最佳球員，受萬人擁戴的小豆以壓倒性的姿態擊敗拉菲爾、安達臣同伊雲斯，而小豆自己已經連續兩個月當選曼聯月份最佳球員。
雖然季初因為雲佩斯的加盟，而令到小豆有淪為後備的迹象，甚至連英媒都傳小豆會因此而被清洗，但進入十月之後，小豆開始大爆發，係奪得曼聯十月份最佳球員之後，小豆係十一月繼續保持出色的發輝，令佢成功蟬聯月份最佳球員。
係十一月，小豆最令人難忘的比賽莫過於作客阿士東維拉，係呢場賽事，曼聯一度落後兩球，但係下半場後備上陣的小豆梅開二度並且令對方擺烏龍，以一人之力幫助曼聯反勝三比二。另外，係作客布拉加的歐聯賽事同主場迎戰QPR的英超賽事，小豆都有入波。
係曼聯官網十一月最佳球員的投票中，小豆得到67%的投票率，以壓倒性的優勢擊敗其他候選人。今次投票有超過兩萬的球員參加，係曼聯七個語言版本綜合統計出黎的結果。曼聯十一月的最佳員候選人仲包括拉菲爾、安達臣同伊雲斯，係十一月，拉菲爾的表現亦唔錯，而且藉住愈來愈成熟的表現，成功坐穩曼聯主力位置，拉菲爾係呢次投票排係第二位。而安達臣亦藉住一次後備上陣的精彩表現而令到佢成為多場比賽的正選，而佢自己係今次的投票就排係第三位，但好可惜，安達臣因為上輪聯賽受傷，而需要養傷幾星期。曼聯的防線雖然問題多多，但伊雲斯毫無疑問係曼聯十一月最佳的中堅，係大部份中堅受傷的情況下，伊雲斯成為費Sir手中關鍵一人，而且佢的入球愈來愈多，令佢係今次投票中取得第四位。