費Sir：摩連奴能執教曼聯！

摩連奴同皇馬的合約2016年先到期，不過由於今季皇馬係西甲戰績不佳，所以盛傳摩連奴明夏會離開皇馬。
70歲的費Sir，係日前為摩師執教曼聯開綠燈：「摩連奴係完全有能力執教任何球隊。至於曼聯下任領隊係邊個？我唔想幻想，但我覺得摩連奴係可以勝任呢一個職位。」
摩連奴所到之處總可以為球隊帶來冠軍，不過呢位教頭仲係有一個心願：「我的教練生涯一切都係完美，唯一一點我係未做到，就係我希望有一日可以帶領一支英格蘭球隊攞到歐聯冠軍。」摩連奴執教車路士的時候，雖然可以蟬聯英超冠軍，但係歐聯就始終唔能夠殺入決賽。
英國獨立電視台正制作一部摩連奴教練生涯10年紀錄片。而費Sir也應邀對摩連奴作出評價：「摩連奴執教10年攞左21個冠軍，真係難以置信，佢現在幾多歲？佢先至得個50歲。佢比我細廿年，按現在的趨勢，佢仲可以拎到42個冠軍。假如佢可以教到70歲，佢所擁有的冠軍一定會超過50個！」
8年前，摩許奴執教的波圖係歐聯有爭議性地淘汰曼聯，並最終奪冠。之後摩連奴做左車路士主師，並係記者會上自稱自己係「特別的一個人」。費Sir對此印象深刻：「我仲記得佢第一次開記者會的情形，我當時就諗『主，佢係一個驕傲的人，佢總係同班球員講話佢係特別的一個人，我地係唔可以輸波』當時我覺得佢咁樣講好似好驕傲，但總係可以令所有球員堅定聯賽奪冠的信念。」費Sir鍾意係賽後同對手領隊一齊飲酒，但佢自己就從未試過同摩連奴一齊飲酒：「絕對未試過，每次我地交手之後，賽後一定會有啲爭議性的話題。當佢黎到我的辦公室，我地可以取笑佢，佢絕對受得起，呢樣野係我鍾意佢的其中一點。我會開啲負面性的笑話，但佢總係會一笑置之。」