「超級後備」只是傳說！數據說明小豆、迪斯高是被人偽標籤！ 精選

係足球場上，一啲經常後備上場且入波的球員，往往被球迷稱為「超級後備」。不過，點樣的球員先可以配得上「超級後備」一詞，係好難有一個具體定義。英格蘭著名數據分析網站，日前針對「超級後備」係唔係真係存在進行左深入的研究。目前，小豆同迪斯高都成為英超超級後備的表表者。佢地真係超級後備？從數據的角度黎講，呢一個稱號或多或少都有啲唔屬實。「超級後備」更似係一種榮譽，因為統計學角度上，呢一種稱號往往都企唔穩。千其唔好叫迪斯高、小豆、蘇斯克查等人係超級後備，因為超級後備只係一個傳說！
已經退役的曼聯名宿蘇斯克查，係球迷公認的超級後備。但係事實上，「娃娃臉」為曼聯入的126球之中，多達97個入球係出現係佢正選上陣的比賽中。99年歐聯決賽佢後備上陣攻入絕殺一球、後備上陣完成大四喜等等的事蹟，令蘇斯克查的「超級後備」形象令球迷銘記於心。
今季，迪斯高同小豆成為英超超級後備的代表。直到目前為止，迪斯高係英超入左6球，其中5球係後備上陣之後入的，即使佢有83%的入球係後備上陣後射入的；但係如果睇下上季的數據，你就會發現，迪斯高14個入球之中，只有4個入球係後備上陣之後入的，即是佢有71%的入球係正選出場入的。小豆都係同樣道理，今季小豆係英超入左4球，其中3球都係後備上陣之後入的，佔左75%；但上季的數據就岩岩相反。咁樣就帶黎左一個問題，係唔係有幾次後備上陣入波的經歷就可以叫做「超級後備」，定還是要球員大部份的入波都係後備上場之後入的，先可以稱呼佢地為「超級後備」呢？？
小豆係英超有75%入球係來自後備上陣之後，迪斯高有83%入球係來自後備上陣之後。出現咁樣的局面，背後都有一個明顯的事實，就係今季佢地大部份時候都係後備上陣。以迪斯高為例，佢今季係英超上陣過11次，只有4次正選，正選上陣率只有37%；但上季，迪斯高係聯賽中正選次數就多過後備上陣，結果後備上陣之後的入球，就只係佔到總入球數的29%，今季呢項數據就高達83%。小豆同迪斯高的情況一樣，2010-2011年球季，小豆正選次數多於後備上陣次數，那個球季佢係英超上陣27次，其中正選15次，佢13個入球當中，8個係黎自正選，佔左61%。
正選上陣機會的多少，都係今季迪斯高同小豆成為「超級後備」的重要因素。數據證實，迪斯高今季正選上陣的4場比賽當中，佢只有1次中龍的射門，而7次後備上場的比賽，則有五次中龍的射門。即使迪斯高一共獲得6次射門機會，正選只係得1次，比例為16%，後備獲得5次機會，佔84%；小豆都係有同樣的情況。小豆60%的中龍射門出現係後備上陣的比賽，正選上陣的比賽就只係得40%中龍射門。
相信大部份人知道，隨住比賽時間的過去，球員的體能會逐漸下降。當球員後備上陣的時候，佢的體力非常澎湃，而對手往往就已經精疲力盡，咁大的體力差異，間接令後備上陣的球員容易入波。

總括而言，蘇斯克查、小豆同迪斯高並唔係「超級後備」。事實上，「超級後備」只係一個象徵性的偽標籤！