傳曼聯用老將加錢交換拜恩斯！？ 精選

據《星期日快報》透露，曼聯準備用一名球員同愛華頓左閘拜恩斯進行交換，此外，曼聯仲要再加多八百萬鎊轉會費。其實早在今年五月，曼聯就對效力受華頓的拜恩斯產生極大的興趣。由於法比奧被外借至昆士柏流浪，而且三十一歲的艾夫拿係球場上的表現不及當年，所以曼聯急需一名經驗充足而且仍有發展空間的左閘。拜恩斯的出現正可以解決曼聯的難題。


不久之前，據《每日郵報》報導，曼聯打算用1000萬鎊的價格購入拜恩斯。不過呢個價格只係屬於試探性質，儘管1000萬鎊的價錢並唔算低，但對於愛華頓來說，先唔想咁輕易就放走自己的主力左閘，畢竟拜恩斯同愛華頓的合約仲有三年先到期。唔單止呢個原因，因為愛華頓同拜恩斯的估價達到1500萬鎊。


現在曼聯終於攞出堅決的態度，決定用一個球員再加上800萬鎊作為交換條件，而呢一個球員極有可能係艾夫拿。而愛華頓領隊莫耶斯都表示，如果唔係用艾夫拿黎交換，拜恩斯的轉會費肯定要超過1100萬鎊。而《每日郵報》仲透露，拜恩斯有望係明年1月成功加盟曼聯。

前年三月，英格蘭代表隊係溫布萊大球場對埃及的友賽中，拜恩斯首次代表英格蘭國家隊上陣。如今，拜恩斯最大的願望就係能夠係歐聯比賽中亮相，由於愛華頓並無參加歐聯賽事，因此，如果拜恩斯能夠順利黎到曼聯，佢將會有機會係出年2月代表曼聯出戰歐聯淘汰賽賽事。