【賽前預報】諾域治 對 曼聯

英格蘭超級足球聯賽第十二輪

對賽隊伍：諾域治(H) 對 曼聯(A)

對賽日期：11月18日(日)

香港時間：1:30

對賽球場：卡諾路球場

執法球證：安東尼泰萊(執法8場英超比賽，共出示14張黃牌、3張紅牌)


諾域治兩名傷兵球員，都可以係這場比賽候命上陣；相比曼聯的朗尼、雲佩斯、伊雲斯都因為傷病問題而沒有參加國際賽日的比賽，而費Sir就係記者會透露，雲佩斯可以候命上陣，但係伊雲斯和朗尼可唔可以上陣仍然係未知之數。


靴南迪斯係上場梅開二度加上令對方自擺烏龍，令一度落後兩球的曼聯，一口氣反勝對手三比二，而費Sir係該場比賽之後同昨日的記者會上面透露會擺靴南迪斯做首發；假如朗尼係賽前仍然有傷在身，相信「小豆」的拍擋會係「魔王」雲佩斯，佢地兩人勢會攻破今季已經失左18球的諾域治大門！


史高斯係上場證明歲月不留人，佢的速度令到曼聯的中場和前後場連接唔到，差啲仲令曼聯輸埋場波添，費Sir應該會意識到呢一個問題，取代佢的人選有安達臣或者湯卡華利，但由於湯卡華利有份參加周中英格蘭對瑞典的比賽，並且上陣61分鐘，安達臣則沒有比賽，所以安達臣首發上陣的機會會大過湯卡華利，而另一名的中場人選大多數都會係表現穩定的卡域克！側翼方面，蘭尼的仍未康復，韋碧克又係國際賽打足全場，相比61分鐘就下場的艾殊利楊格的體力會較差，預料艾殊利楊格首發上陣機會較高。


假如伊雲斯係比賽前仍未能康復，史摩寧將會再一次取代佢成為正選，但係史摩寧和里奧費迪南的中堅人選好令人擔心，而且拉菲爾同艾夫拿都經常性上去前場助攻，令到後防有隱憂，今場好有可能又要挑戰曼聯球迷的心臟啦！迪基亞連續幾場的比賽有極之出色表現，連迪加特根本無法挑戰佢的正選位置！


預計陣容

MUFC LATEST


guardian.co.uk


unitedrant.co.uk


thehardtackle.com


Goal.com

門將：迪基亞

後衛：拉菲爾、伊雲斯、里奧費迪南、艾夫拿

中場：華倫西亞、湯卡華利、卡域克、艾殊利楊格

前鋒：雲佩斯、靴南迪斯

球隊停賽/傷兵及上場比賽成績

諾域治

傷兵/停賽：夏利堅尼

上陣成疑：羅素馬田

球隊上場成績：雷丁0-0諾域治
曼聯

傷兵/停賽：菲爾鍾斯、維迪、香川真司、蘭尼

上陣成疑：朗尼、伊雲斯

球隊上場成績：阿士東維拉2-3曼聯


上季曼聯作客呢一個球場，憑住史高斯一個靚頭槌先開紀錄，最後更由傑斯係完場前絕殺對手2-1！！

諾域治1-2曼聯

http://www.youtube.com/watch?v=bZeO6DGMm9M