媲美99年三冠王鋒線?本季鋒線全面解剖!

曼聯新聞 於 14/11/2012 發表 收藏文章
首先同各位講聲唔好意思先,隔左成個幾月先出呢篇文章,
其實原本都諗住10月中/尾先出,觀察多一排先出,點知唔得閒結果拖到而家,
回正題,照舊同大家睇下今季鋒線人腳先!!!
朗尼
小豆
韋碧克
雲佩斯
仲有馬捷達/軒歷基斯/比比呢3個,由於都好少機會見到佢地為一隊上陣,所以就唔提喇.
另外我會系各球員介紹中問一個相同問題,答案唔會公布住,希望你地猜測完系facebook既link度留言:)

[球員分析]
朗尼肥仔由愛華頓加盟以黎,一直都系被安排系4-4-2陣式中最前/第二前既位置,
但近年曼聯由於中場青黃不接情況嚴重,而佢本人亦曾經表示想轉踢攻擊中場,
所以今季好多時間就算位置上仍然系第二前都會墮後負責派牌,加上曼聯引入香川,
香川同朗尼在陣時,好多時候佢地都會發生位置重疊位置情況,亦有人指朗尼已經唔想踢中場,
所以筆者將朗尼定位製造機會既前鋒較多,亦即系影子前鋒,大家又覺得朗尼似99年邊一個呢?

小豆靴南迪斯10年黎到奧脫福時候,即刻系季前社區盾用一個入球證明自己實力,
而當季亦射入好多重要入球,相信大家最記得既都系聯賽進入最後直路階段時,
對陣車路士開波唔夠36秒就先為曼聯攻入一球,但曾經亦被批評踢法過於單調,
而筆者亦覺得費sir將佢擺系後備系岩既,因為小豆打正選既比賽往往唔及後備上陣出色,
小豆既靈活走位同前插歌一下最適合系後備上陣時趁對方後防體力下降派上用場,
今季成績有目共睹,射手榜已經越朗尼直迫雲佩斯,因此"新蘇斯克查"呢個名亦唔系浪得虛名,
機會主義者呢個定位相信好多球迷都會同意,而小豆似99年邊一個就唔洗問拉.

韋碧克經歷兩季外借,上季重返曼聯既韋碧克一度令球迷覺得佢有機會成為曼聯鋒線有力人選,
但多番失機令到球迷同費sir對佢失去耐性,今季朗尼養傷期間正選上陣幾次亦冇出色表現,
所以朗尼復出後佢而家已經位於小豆之後淪為第4前鋒,但筆者覺得韋碧克亦有可取之處,
佢不惜氣力既走位爭搶,同埋身高絕對系佢既優勢,如果門前把握力能夠再好d,佢一定前途無可限量,
韋碧克努力d拉,唔好比其他人睇死你呀!!!佢似99年邊個,相信各位球迷同我既答案會一樣

雲佩斯上季廠長,今年夏天對於筆者黎講系意外轉會到曼聯,因為先前筆者覺得只系傳聞多,
但當日凌晨見到呢篇新聞不禁有d唔開心得黎有d期待,唔開心既當然系昔日主要競爭對手阿仙奴再次出售主力球員,
而期待既系,英超金靴得主空降奧脫福相信好多歐洲豪門聽到呢條鋒線已經腳震,果然用數據證明身價,
暫時交出歐冠3場入3球,聯賽10場入8球3助攻,呢個數據話佢系加盟唔夠3個月既成績表都幾難令人相信,
朗尼同雲佩斯默契再磨合好d,相信曼聯今季入球數字會有破紀錄既成績

總結:理想鋒線,正選:雲佩斯+韋碧克+朗尼,後備:小豆,
雲佩斯負責最後一腳,韋碧克不惜氣力扯開空位,朗尼分責致命傳送,小豆負責後備絕殺,
甘樣就系筆者心目中最想既結果,當然,同而家仲爭D.

留言


請按此登錄後留言。未成為會員? 立即註冊
    快捷鍵:←
    快捷鍵:→