【賽前預報】阿士東維拉 對 曼聯 精選

英格蘭超級足球聯賽 第十一輪

對賽球隊：阿士東維拉(H)　對　曼聯(A)

對賽日期：11月11月(日)

香港時間：01:30

對賽球場：維拉公園球場

執法球證：奇雲費特


費Sir係本場之前奪得十月份最佳教練，但係每當領隊每次奪得這個殊榮，往後的成績都會差勁，睇下費Sir可吾可以打破呢個「魔咒」啦！除此之外，朗尼係加盟曼聯以來，面對住阿士東維拉，接近每場都會攻入起碼一球。從數據上，曼聯都有利有幣，但波係圓既，羸輸都係要睇雙方球員的臨場表現。


係周中的比賽，韋碧克、朗尼以及小豆都全數正選上陣，但講到臨場表現，韋碧克的表現真係差勁，完全發揮唔到佢的作用，而朗尼同小豆則分別攻一球；而雲佩斯都有係個場波上陣，不過就以後備上陣姿態，成為紅魔救世主，幫助曼聯反勝布拉加三比一。體能以及腳法上，朗尼以及雲佩斯都會比其餘兩人好，預料雙雙成為正選，韋碧克係今場可吾可以入選後備名單都成問題，而小豆則很大機會屈居後備。


計埋周中的比賽，史高斯已經連續第四場未能披甲紅魔戰衣上陣，上場更加連大名單都入吾到，費Sir就解釋史高斯要抖足精神，所以唔帶埋佢過去布拉加，唔通費Sir想比史高斯今場擔任正選？筆者認為可能性幾大下！安達臣係對布拉加一戰，完全發揮唔到佢前兩場的水準，今場上陣機會率都幾低下；卡域克、湯卡華利係上場都無上陣過，佢地其中一個或會係今場擔任正選，首選應該會係卡域克，次選為湯卡華利。由於蘭尼要因傷缺陣，今場波左、右兩翼必定會由艾殊利楊格以及華倫西亞擔任正選！


費Sir係今日英國時間朝早記者會，就提及過伊雲斯的傷勢不大，有機會可以趕及係今場上陣；史摩寧就係上場歐聯分組賽，宣告復出，並且正選上陣，假如今場伊雲斯未能上陣，佢將會續任正選，而里奧費迪南多數今場一定會帶住一個後生仔打正選中堅。拉菲爾係上場後備蘭尼之後，即刻將華倫西亞解放，令右路立即成為曼聯王道，今場佢同上場踢足全場的艾夫拿，將會分別任右、左後衛正選！迪基亞剛剛係周中的比賽渡過了生日，假如唔係佢，周中歐聯比賽點止失一球，所以今場一定會繼續擺佢做正選。


預計陣容

MUFC LATEST


guardian.co.uk


fantasypremierleaguetransfers.com


unitedrant.co.uk


thehardtackle.com


Goal.com

門將：迪基亞

後衛：拉菲爾、里奧費迪南、伊雲斯、艾夫拿

中場：華倫西亞、卡域克、湯卡華利、艾殊利楊格

前鋒：朗尼、雲佩斯

雙方球隊近況及傷兵

阿士東維拉

傷兵/停賽：李察鄧尼、戴倫賓特、尼索比亞、賓納、比度夫

上陣成疑：靴特、貝加

球隊上場成績：新特蘭0-1阿士東維拉

曼聯

傷兵/停賽：菲爾鍾斯、維迪、香川真司、蘭尼

上陣成疑：伊雲斯

球隊上場成績：布拉加1-3曼聯

曼聯係上年作客維拉，憑住菲爾鍾斯的入球，一比零擊敗阿士東維拉！

最後送上阿士東維拉0-1曼聯精華片段

http://www.youtube.com/watch?v=Ywf_QebiJp0