曝費Sir已經搵定蘭尼接班人

其實由上年季中，華倫西亞搶走蘭尼正選位開始，蘭尼係曼聯的地位已經每況愈下，無論左、右翼佢都吾係費Sir的首選。到夏季轉會窗開始，蘭尼同曼聯的合約只係得返兩年，所以就開始傾新合約，曼聯開出每週週薪係13萬鎊，比起原先的9萬鎊已經多左好多，點鬼知蘭尼就獅子開大口，要成20萬周薪，要同朗尼、雲佩斯同一水平，曼聯方面就梗係擰頭啦，正選位又唔係你，比成20萬鎊咪蝕死？？傾唔掂數，曼聯方面就逼不得己要賣佢走，當初都無乜球會睇岩佢，到轉會窗接近關閉的時候，辛尼特向曼聯提出購買蘭尼要求，轉會費為3000萬鎊，周薪更開出佢最鍾意的數目－20萬鎊，曼聯方面就已經答應話會放人，點知蘭尼熄曬電話等等可以聯絡佢的方法，最後辛尼特嬲嬲地咪取消左轉會要求囉！

蘭尼係一開球季因為艾殊利楊格的受傷，所以得到唔少上陣機會，但係佢自己又唔珍惜，成日死扭，代表作就係聯賽盃因為佢送左控球權比車路士，而間接令曼聯出局，亦令費Sir罕有地係賽後點名批評佢，好多傳媒都話佢係曼聯的日子進入倒數階段，不過佢離開曼聯都有唔少出路，皆因祖雲達斯同AC米蘭都表明左想收購佢，出價為1250萬鎊，同曼聯理想價錢2000萬鎊仲有一大段距離，不過離合約年約愈黎愈短，價錢又會愈黎愈低，最後出售價錢係1250萬鎊都唔出奇嫁！
正因為係咁，費Sir就睇岩曼聯名宿保羅恩斯個仔－湯馬士恩斯，湯馬士恩斯現效力英冠球隊黑池，係利物浦青訓出品，佢係球隊首席射手，但佢並唔係打前鋒，而係打翼鋒，同蘭尼位置相若，而且係左腳仔，身型又矮小，又被英國傳媒稱為「英國美斯」，年紀又只係得個20歲，用黎做蘭尼接班人就最好不過。


原本佢的身價係1000萬鎊，但因為黑池領隊荷路威係日前跳槽去水晶官執教，球隊近況又愈黎愈差，有傳黑池球員將會各自跳槽，而恩斯仔係其中一個，佢有可能係冬季轉會窗以400-600萬鎊的身價轉投曼聯。


最後送上湯馬士恩斯的個人精華片段
http://www.youtube.com/watch?v=69aZ-7Xvk8A