曼聯想買「新莫迪歷」同「新堅尼」！ 精選

現年16歲克羅地亞超新星哈利洛維奇，佢效力薩格勒布戴拿模，同莫迪歷第一間球會一樣，佢已經為克羅地亞U17代表隊上陣，係U17代表隊，佢穿上10號球衣，係球隊中場核心，因為佢年紀輕輕已經成名，而且無論位置﹑母會都同莫迪歷一樣，所以被譽為「新莫迪歷」！
球員成名，就一定吸引大球會注意，除左曼聯之外，仲有皇馬﹑曼城等等既富豪球會想買佢返黎。
論金錢，曼聯一定不及曼城同皇馬黎，而且皇馬有莫迪歷係陣中，可以吸引哈利洛維奇加盟。但論前途黎講，曼聯一定好過其他富豪球會，無論係曼城定係皇馬，出場機會都小得可憐，而且曼聯中場線弱，同埋傷兵問題嚴重既情況下，哈利洛維奇加盟曼聯上陣次數應該會多過曼城同皇馬。


年紀輕輕既哈利洛維奇身價已經高達1200萬英鎊，無論曼聯定係曼城都覺得身價不合理，想薩格勒布戴拿模將佢既身價降至600萬英鎊！即使身價減左一半，以佢既年紀既身價就達到600萬英鎊，已經係一個驚人數字！


另外，《天空體育》報導，曼聯想買埋荷蘭國腳、目前效力於燕豪芬的中場史杜特文，史杜特文現年22歲，佢既位置更係曼聯必須的－防守中場，但曼聯收購佢既過程未必可以順利進行，因為AC米蘭都想收購呢名被譽為「新堅尼」既史杜特文！

目前史杜特文既身價係1500萬英鎊，不過佢既經理人迪高就表示「新堅尼」係冬季必定唔會轉到其他球會，所以最快都要出年夏天先可以收購呢名防守中場！



哈利洛維奇個人精華：

http://www.youtube.com/watch?v=sJ_L2nncpNU
史杜特文個人精華：

http://www.youtube.com/watch?v=fB20K8xubPI