【賽前預報】曼聯對布拉加

曼聯新聞 於 23/10/2012 發表 收藏文章
歐洲冠軍聯賽 小組賽 第3輪

對賽隊伍:曼聯(H)對布拉加(A)

對賽日期:2012年10月24日

對賽時間(香港):02:45

對賽球場:奧脫福球場



兩隊都係周末打完自己國家既聯賽,體力消耗都差唔多,但講到球員實力,布拉加只屬二﹑三線球隊,所以曼聯實力遠遠在布拉加之上,但曼聯之前個兩場歐聯比賽只可以小勝對手一球,證明決心唔大。假如布拉加決心有返咁上下,都會令曼聯打得狼狽


講返曼聯陣容結構方面,前線四大前鋒都入過波,由其是壯態大熱大勇既雲佩斯同朗尼,但由於上周末比賽只係同歐聯比賽日相距四日,同埋對手實力不算強,有機會正選陣容先出小豆搭住朗尼打雙前鋒,下半場根據情況先出雲佩斯!


中場線上全部人員都可以候命上陣,費SIR話會將岩岩康復既艾殊利楊格擺入大名單,預計會先做後備居多,上場聯賽對史篤城未被列入大名單既香川真司同聰明利應該會正選上陣,因為史高斯體力未必可以一星期應付兩場比賽,而且下星期日晚將會硬碰車路士,今場應該會收起佢;預料中場中路應該會將聰明利搭住香川真司,而側擊應會以華倫西亞同韋碧克左右出擊威脅布拉加後防!


後防線一對正選中堅會由卡域克或者活頓搭住伊雲斯,因為里奧費迪南要係周中比賽休息,無論卡域克或者活頓上陣都會令後防有隱憂。另外,史摩寧仍然未完全康復;而左後衛方面,畢特拿將會首次係歐聯比賽擔正,事因費SIR講到明唔會將艾夫拿擺係大名單,因為要佢抖足精神作客車路士!門將方面,費SIR應該會繼續以迪基亞作正選,因為連迪加特只係岩岩好返,未必回復十足既壯態,而且迪基亞要吸收經驗,所以費SIR會係黎緊幾場比賽會把迪基亞擺係門將首選!


預計陣容:

MUFC LATEST


unitedrant.co.uk


GOAL.COM

門將:迪基亞

後衛:拉菲爾﹑活頓﹑伊雲斯﹑畢特拿
中場:華倫西亞﹑卡域克﹑聰明利﹑艾殊利楊格

前鋒:朗尼﹑雲佩斯


球隊近況及傷兵:

曼聯

傷兵:菲爾鍾斯﹑維迪﹑史摩寧
上陣成疑:/
球隊上場成績:曼聯4-2史篤城

布拉加

傷兵:費拉拿﹑馬哈馬特﹑保羅施薩
上陣成疑:/
球隊上場成績:布拉加4:4 SC Olhanense


大家今晚記住睇波呀!!

標籤: 曼聯  布拉加  

留言


請按此登錄後留言。未成為會員? 立即註冊
    快捷鍵:←
    快捷鍵:→