曼聯想買多蒙特雙星同熱拿亞中堅！

又係多蒙特？無錯，又係多蒙特，今次又再一次係前鋒，係邊個？咪又係利雲度夫斯基囉，曼聯雖然已經雖然已經擁有幾名高質素既前鋒，但係費SIR仲心郁郁想買埋佢，因為呢排利雲度夫斯基係德甲到入左好多波，上年為多蒙特出左46場，入左30球，你咪話唔得人驚呀！如果佢加埋雲佩斯同朗尼，相信呢個組合會好多波入！


仲有一位就係多蒙特中場，可能你又會話：車！又係個個馬里奧葛斯！大家唔好嘈住，今次係今個禮拜三就到22歲德國中場根度簡，佢就係2011年既夏天從德甲球隊紐倫堡加盟多蒙特，上季佢同多蒙特入左3球，佢係多蒙特體育總監佐爾克眼中，根度簡係一位近乎完美既球員，佢技術好﹑速度快同大局觀感好，佢正常位置係中場中，但有必要時，佢又可以打翼鋒位置！


好既球員就唔止曼聯一間大球會想買佢返黎，熱刺領隊波亞斯就睇好呢位多蒙特中場前途，而且佢地夏季無左雲達華治同莫迪歷，令中場實力減少，必須在冬季購買球員增強實力。《每日星報》預計，呢位多蒙特中場經過傳出熱刺同曼聯想購入佢既新聞係，身價將會上漲到2000萬英鎊。但曼聯就希望可以用3400萬鎊，一次過將根度簡同利雲度夫斯基帶到去曼聯，不過最後出價可能唔止呢個數目！


最後曼聯想買既係一位中堅，佢叫做馬里奧-薩皮裡西，佢今年得個廿歲。據《足球部落》報導，上個禮拜，車路士同曼聯球探都去過睇呢位中堅比賽，馬里奧-薩皮裡西係意大利U-20國家隊成員，身價被指只有80萬英鎊。係呢家兩位老化中堅(維迪﹑里奧費迪南)實力不及以前既情況下，買呢位潛力極大同身價便宜既球員，係對曼聯未來後防增添實力！


利雲度夫斯基個人精華：
http://www.youtube.com/watch?v=_72W5EdRgD4
根度簡個人精華：
http://www.youtube.com/watch?v=h6fIt7JETo0
馬里奧-薩皮裡西個人精華暫時仲未有，如有將會立即上傳！