防線檢閱 精選

大家好,呢篇系本專區開區第一篇文章,所以今日同大家睇下條防線先,老老實實,呢篇文章明彈防線,唔鍾意可以唔睇,曼聯今季(不計熱身賽)只有兩場系清白之身完場,一場就大勝韋根4球拉,一場就小勝加拉塔沙雷1球,同大家睇下今屆條防線有咩人腳先拉!
人腳檢閱
拉菲爾(右閘)
艾夫拿(左閘)
菲爾鍾斯(中堅,右閘)
里奧費甸南(中堅)
伊雲斯(中堅)
史摩寧(中堅,右閘)
維迪(中堅)
畢特拿(左閘)

中堅x5 左閘x2 右閘x3
正常情況下後防線系除左閘外,可以話冇壓力,
但無奈曼聯呢幾季唔知系米冇拜神,年年都傷到冇人用,
而家冇病冇痛既只有中堅x2 右閘x1 左閘x2.
中堅問題:另外里奧同維迪難復當年勇已經系公開秘密
伊雲斯,鍾斯,史摩寧呢d味擔到大旗,比唔到人信心,
系呢個青黃不接既時期仲要傷幾個簡直就雪上加霜,

閘位問題
vs今季外借左大孖法比奧,引入年青新秀畢特拿,為左閘注入新動力,
右閘方面史摩寧復出,可以客串,對於拉菲爾同史摩寧抉擇,筆者偏向史摩寧,
我相信好多人都會問拉菲爾呢排踢得甘好,點解史摩寧呀?
冇錯,拉菲爾9月踢得好好,但佢同蘭尼一樣,狀態飄忽,另外佢進攻意識比防守意識強,
閘位可以上去幫手進攻當然系好事,但大家要明白,呢個閘唔系翼,閘既防守意識一定要強,
拉菲爾既缺點就系呢度,上季經常上去參與進攻比人一打反擊就唔見人影,導致失球,
而史摩寧進攻意識雖然唔強,出波亦唔準,但防守上無疑系比拉菲爾更好,呢個亦系筆者首選原因!
vs左閘艾夫拿同畢特拿,早排對陣韋根費sir比畢特拿打正選,歌場畢特拿打得真系唔錯,回防速度亦比艾夫拿快,
但畢特拿d波好痴腳,可能同隊友仲味配合到,同埋歌場只系對韋根,筆者覺得可能只系曇花一現
艾夫拿同樣不復當年勇,上又上唔到,守又唔店,出d波10有9球都系唔到腳,防守慘不忍睹,稍有速度既對手都可以爆到佢連影都冇埋,但經驗系艾夫拿既優勢,憑住佢既經驗打埋今季仲可以頂一頂,希望畢特拿可以快d吸收,
下季取代艾夫拿正選位置!

最後同大家講下筆者心目中既正選防線:

史摩寧 維迪 伊雲斯 艾夫拿

首次發文,不足之處,敬請多多包涵,歡迎大家like我地既facebook專頁:https://www.facebook.com/ManLianXinWen 裡面會每日更新曼聯最新動態,直播賽事,等等.....!