韋碧克一賽季三換足球鞋,但難以打破低入球效率!

曼聯新聞 於 19/11/2012 發表 收藏文章
當曼聯被諾域治攻破大門之後,所有人都知道費Sir會對前線加派人手,但由於朗尼香川真司都受傷缺陣,而且靴南迪斯係今場係打正選,係當時後備席就只有韋碧克一個前鋒,到六十幾分鐘,費Sir就將韋碧克換上場,計埋補時佢踢左廿五分鐘,但係佢的表現就一如以往,只可以用一個字黎形容佢,就係差!


韋碧克係上場之後只係得一個任務,就係等邊路球員傳中比佢,然後頂入諾域治大門。由75-85分鐘,韋碧克足足浪費左三次機會,有一次機會更係頂左去離門十米外,大會更加將佢個一次機會唔列入射門次數當中!


不過,韋碧克同對手埋身肉博戰就通常係佢的天下,而且只要傳中質量唔係太差,佢都可以成功頂羸對手,但係最後的攻門質素就真係太差啦!之不過都同佢的特點一樣-入球效率低,佢係本賽季要浪費二至三球甚至更多的機會,先至能夠攻入一球,對一名前鋒黎講,佢的入球數字未免過差啦。


《郵報》係上個月底報導過,韋碧克為左改變自己的入球數目,係今個賽季三次換新的足球鞋,先係Nike的T90,然後係adidas的F50,之後佢又著返Nike的Mercurial,不過佢轉黎轉去,都係好難好似雲佩斯靴南迪斯一樣有大量入球數字,由此可見,韋碧克入球少的問題,顯然唔係單靠換鞋就可以解決!


韋碧克的射門好難預測,話佢技術差的時候,佢可以射入一個精彩絕倫的世界波,話佢好的時候,佢又可以面對住空門射唔入,令人對佢的射術難以判斷。佢係把握機會上面,應該要向靴南迪斯學習一下,先唔講十成,只要佢學到六、七成,佢就有希望成為曼聯未來前鋒主力,皆因佢天生有利的因素實在太多,好似係曼市本地球員、身體強壯、身高佔優、爆發力佳等等的特點,呢啲野都係無法改變,假如佢能夠提高射門準星程度,費Sir就必定會重用佢,但好可惜,佢呢家仍然係未夠班。

如果喜歡我們的文章,請即分享到︰

標籤: 韋碧克  

留言


請按此登錄後留言。未成為會員? 立即註冊
    快捷鍵:←
    快捷鍵:→