里奧費迪南：曼聯影響力比英格蘭國家隊更大！

曾幾何時，里奧費迪南係英格蘭後防線既重要人物。依家里奧已經過左巔峰期，但仍然係曼聯保持唔錯既狀態。不過，2011年10月，泰利因為倦入種族歧視里奧細佬安費迪南既風波之後，泰利同里奧就從此反面。2012年歐國盃，鶴臣以「足球原因」去拒絕召里奧入隊，此舉好明顯就係棄里奧留泰利，一度令里奧強烈不滿。
雖然鶴臣非常支持泰利，但係泰利就對英足總既處待方式好失望。因為係法庭裁定左泰利無罪之後，英足總對泰利提出指控，個陣泰利知道一定會受罰，所以索性退出英格蘭國家隊。而泰利既退出，令里奧有一個機會重回國家隊，無論係球迷定係傳媒，都覺得鶴臣應該要重召里奧。
鶴臣希望係2014年世界盃之前練下一班新人，呢個想法係好，不過，加利卡希爾、尼史葛、積基爾卡、多遜等等既新力軍似乎都係靠唔住，所以英格蘭應該要重召里奧。今季，里奧費迪南係英超上陣19次、歐聯2次，佢係曼聯發揮重要既作用，但係里奧已經對重回英格蘭國家隊無希望，佢表示只會集中精力幫助曼聯重奪英超。
里奧係接受2月2號出版既《太陽報》獨家專訪個陣，里奧費迪南認為，曼聯既影響力已經超越英格蘭國家隊！里奧費迪南表示：「我係2002年同曼聯簽約之前，我記得好清楚，當時係韓日世界盃上，我同畢特傾過計。佢表示：『如果你認為你係英格蘭國家隊有好多FANS，咁你就同曼聯簽約後再睇下點啦！』當時我並唔信畢特講緊野，但係原本佢講得一啲都無錯。當曼聯去亞洲踢熱身賽，我地受到既歡迎度係難以形容，大家對我地既喜愛非常之大，呢種受歡迎程度係遠遠超過英格蘭國家隊！」就係今個星期，《福布斯》就報導係過去幾日，曼聯既股價大幅上升，已經接近每股17美元，令到曼聯市場價值上升至33億美元，成為全世界第一支市場價值超過30億美元既球隊！