【賽前預報】布拉加 對 曼聯

曼聯新聞 於 07/11/2012 發表 收藏文章
歐聯分組賽 第四輪

對賽球隊:布拉加(H) 對 曼聯(A)

對賽日期:11月8日(四)

香港時間:03:45

對賽球場:布拉加市政球場

執法球證:梅禮



曼聯20人大名單

門將:迪基亞、連迪加特

後衛:拉菲爾達施華、里奧費迪南、伊雲斯、畢特拿、艾夫拿、史摩寧

中場:湯卡華利、傑斯、蘭尼、安達臣、卡域克、華倫西亞、艾殊利楊格、鮑維爾

前鋒:朗尼、雲佩斯、查維亞靴南迪斯、韋碧克


四大前鋒全部都可以候命上陣,韋碧克、小豆係上場惡鬥阿仙奴都無出過場,韋碧克更係未被列入後備名單之中;小豆係首循環係奧脫福球場面對住同樣的對手,憑住兩個靚頭槌,反勝布拉加三比二,預料今場會同朗尼搭擋,繼續強攻對手


雖然費Sir係今季鍾意係歐聯使用鑽石型中場,不過由於費查的感冒,以及香川真司的受傷,令今場使出鑽石型中場的機會大大減低,筆者認為今場應該會繼續使用4-4-2陣式;艾殊利楊格連續係兩場大戰正選上陣,以佢岩岩復出的體力,未必能夠應付埋呢一場比賽,而且蘭尼係費Sir心中好大機會唔再有正選上陣機會,連續兩場聯賽都無份出場的韋碧克可能會取代艾殊利楊格,成為今場左翼正選安達臣係對阿仙奴的比賽,61分鐘後備上陣,而且有不錯的表現,今場好有可能成為中場其中一名正選,而佢的拍擋有機會係卡域克!


隨著史摩寧進入20人大名單,意味住已經康復得七七八八,不過以費Sir以往的風格,都唔會將一個岩岩傷好的人擺係正選名單入面;今日正值里奧費迪南生日的大日子,費Sir多數會成人之美,係里奧費迪南的大日子,擺佢做正選,而佢的拍擋必定會係係今季保持極佳水準的伊雲斯!左後衛的正選有問號,因為畢特拿連續兩場比賽(歐聯對布拉加、聯賽盃對車路士)都係表現得極差的水準,即使艾夫拿年事已高,費Sir可能係今場都會繼續擺艾夫拿做正選!除左里奧費迪南之外,就連迪基亞都係今日生日,即使費Sir想比迪基亞抖下都唔得啦,要比佢出場作為佢生日禮物先得嫁嘛!


預計陣容

MUFC LATEST


unitedrant.co.uk

Goal.com

門將:迪基亞

後衛:拉菲爾達施華、伊雲斯、里奧費迪南、畢特拿

中場:湯卡華利、卡域克、費查、朗尼

前鋒:查維亞靴南迪斯、雲佩斯


雙方球隊傷兵以及近況

布拉加

傷兵/停賽:/

上陣成疑:/

上場比賽:布拉加3-1基維辛迪


曼聯

傷兵/停賽:費查、菲爾鍾斯、尼曼查維迪、香川真司

上陣成疑:/

上場比賽:曼聯2-1阿仙奴


最後送上歐聯分組賽首循環,曼聯憑住小豆梅開二度同伊雲斯的入球,三比二反勝布拉加。

曼聯3-2布拉加入球片段

http://www.youtube.com/watch?v=sKXZtnpHh3g

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→