費Sir下戰令!必須要全力係聯賽搶分!誓要甩開曼城!

曼聯新聞 於 30/11/2012 發表 收藏文章
英超即將進入整個球季最繁忙的「聖誕快車期」,費Sir已經向全隊下了一個命令,就係要竭盡其力全力搶分。曼聯係英超歷史上,係「聖誕快車期」攞分攞得最多的球隊,堪稱「聖誕搶分王」!步入2013年之後,曼聯可唔可以借呢一個優勢,去擴大積分榜榜首領先優勢呢
周中的第14輪賽事,車路士失分,曼市雙雄雙雙獲勝。曼聯目前以1分領先曼聯。12月的第一場戰役,曼聯將會係本周六作客雷丁,係「曼市打比」之前最後一場聯賽。為左以一個強勢姿態出征打比戰,所以曼聯必須要擊敗雷丁保住榜首位置
今年最後一個國際賽日已經完結,下周中就係歐聯最後一輪小組賽。由於曼聯提前兩輪鎖定小組首名,仲有個兩場比賽就成為例行公事,預料會派出青年軍同副選認戰
費Sir指出,呢個時候正係曼聯集中精力係聯賽搶分的時候:「每年呢一個時候,我地必須盡力搶力。國家隊比賽已經離我地而去,下周三就係最後一輪歐聯分組賽,咁樣可以令我地專注英超,對我地黎講,呢一個係一個重要時刻。」
目前,英超爭冠的球隊似乎只有曼市雙雄,因為車路士已經落後曼聯同曼城6分。不如我地對比下未來一個月,兩隊的賽程啦!從12月1日到明年1月1日,曼聯的對手分別係:雷丁(客)、曼城(客)、新特蘭(主)、史雲斯(客)、紐卡素(主)、西布朗(主)、韋根(客);而曼城的對手分別係:愛華頓(主)、曼聯(主)、紐卡素(客)、雷丁(主)、新特蘭(客)、諾域治(客)、史篤城(主)。總結:曼市雙雄係未來一個月的賽程差別都唔大,關鍵原因就係要睇邊個搶分多啲啦

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→