約基:莫耶斯太軟弱,比著費Sir一早已經賣走朗尼

新賽季就快開波，但朗尼去留仲味解決，好多曼迷都擔心咁樣會影響曼聯開局表現。
而約基呢個時候就出黎講野，佢話：如果費Sir仲係度的話，絕對唔容許呢種情況發生。
《郵報》：約基稱若費sir仲在位，早就賣左朗尼

費Sir係清洗球員方面從來唔手軟，碧咸、史譚和堅尼都先後領教過費Sir既手法。
另一方面，如果費Sir覺得歌位球員留隊仍然有好大價值的話，都會迅速平息轉會鬥劇，
2011年朗尼轉會風波就係一個好例子，當時朗尼既態度係短短幾日內180度​​轉變，
唔單止係新合約上簽名，仲公開向隊友同球迷道歉，徹底平息轉會鬧劇。

但而家莫耶斯好似對朗尼再一次搞出轉會鬧劇束手無策，靜係不斷強調朗尼係非賣品，
由得朗尼場轉會鬧劇鬧足一個多月仲唔平息，
係費Sir手下效力4年既約基話：我認為件事而家應該得到解決，佢一係留隊一係轉會。
我覺得費Sir（仲在位的話）或者而家已經賣左佢。我知道佢（朗尼）係好出色既球員，
但我認為如果係費格遜處理，佢會話朗尼已經申請轉會，會係適當時候唔比佢係一場關鍵比賽上場。

但41歲既約基仍然認為朗尼留隊對曼聯意義好重大，因為當年他亦係27歲先加盟曼聯，
而家朗尼都同樣係27歲：我只係好簡單咁覺得曼聯承受唔起失去朗尼既代價，唔單止因為佢去車路士，
去任何球隊都係咁。我認為佢係歌種價值既球員，我以前講過，以佢27歲既年齡，佢即將迎黎職業生涯巔峰，
未來四年對佢職業生涯好重要，我認為佢對曼聯仲可以有更多貢獻。