碧咸加盟PSG動力源自曼聯雙老

曼聯新聞 於 08/02/2013 發表 收藏文章
已經37歲既碧咸依然未有退役既念頭,佢係冬季轉會窗關閉之前加盟法甲豪門巴黎聖日耳門。碧咸征戰近20年,成就多不勝數,點解仲未有退役既念頭呢?據碧咸自己透露,自己唔想退役既動力就係要好似前曼聯隊友傑斯同史高斯咁老而彌堅。另外,巴黎領隊安察洛提表示碧咸係PSG既處子戰初定係2月17日
碧咸認為史高斯同傑斯係佢既榜樣,佢相信自己係巴黎可以好似曼聯二老一樣延續良好既狀態。同樣係曼聯92一代,因此碧咸、傑斯同史高斯私下既交情好好。傑斯同史高斯係現今足壇最出名既長青樹,佢地分別已經39歲同38歲,但係曼聯既表現依然穩定,可以話係曼聯陣中既定海神針,比佢地兩個都細既碧咸當然唔想自己比佢地兩個早掛靴
37歲既碧咸加盟PSG被好多人都睇作為商業行動、得個樣,但係碧咸依然堅持自己夢想。佢認為既然傑斯同史高斯都仲可以踢,點解佢碧咸唔得呢??
碧咸:「我可以係足球場外取得好多成功,但我最大既願望就係要係足球上取得成功,我希望贏得冠軍,我希望贏盡所有獎盃,呢個信念一直都貫穿我既職業生涯,從來都未動搖過。當你確定左某個目標,你一生都會為呢個目標而奮鬥。你睇下傑斯同史高斯係曼聯既表現,雖然佢地唔係場場上陣,但只要佢地一上陣,就會令全隊帶黎影響,我期待好似佢地一樣成功。」
自上年12月離開洛杉機銀河之後,碧咸一直都無參加過正式比賽。碧咸係幾個星期前隨阿仙奴進行訓練,但咁樣仍然唔足夠,所以外界認為佢想係PSG上陣比賽仲要等一段時間,但碧咸就唔係咁認為,佢相信自己已經做好準備,身體狀況完全可以應付
碧咸:「我既狀態好到爆,之前好多人都認為我要兩星期既訓練先可以跟上其他隊友既節奏,但依家我感覺自己已經達到最佳狀態。我曾經用左好多時間係阿仙奴訓練,所以我唔認為自己要好長時間先可以再次上陣。我希望可以儘快上陣比賽。」
而PSG領隊安察洛提表示並唔會太快叫碧咸上陣,但已經確定左碧咸既處子戰日期,初步安排碧咸係2月17日首次代表PSG上陣比賽。安察洛提表示:「佢呢個星期已經跟隨兩個教練訓練,但因為個人理由,佢留係倫敦訓練。我地係歐聯同華倫西亞比賽前,佢會同球隊會合,初步將會比佢係同索察既聯賽中上陣。」

如果喜歡我們的文章,請即分享到︰

標籤: 碧咸  傑斯  史高斯  PSG  安察洛提  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→