爭議球證執法「曼市打吡」!

曼聯新聞 於 03/04/2013 發表 收藏文章
英超球證執法水平係近年已經引起好多人既關注,由其是係每次大戰中,球證經常引起爭議。英超聯會宣佈,今輪英超重頭戲、「曼市打吡」會由甸恩執法,恐怕會令費Sir同文仙尼非常擔心。
係今季Boxing Day,曼聯4:3擊敗紐卡素既比賽中,執法球證甸恩改判左旁證既判罰,判紐卡素第二個入波有效,令到費Sir非常之嬲,並係場邊同球證發生衝突。而係下半場開始之前,費Sir再搵甸恩理論,又向第四球證抱怨。當時費Sir認為,伊雲斯攻入烏龍球之前,受到處於越位位置上既施斯干擾,呢球唔應該有效,而應該判罰越位。
而費Sir同甸恩既恩怨由來已久。2010年,車路士係奧脫福以2:1擊敗曼聯,杜奧巴既越位入波無判罰,賽後費Sir公開指責甸恩表現好差。再追溯返前啲時間,2008年,曼聯擊敗侯城既比賽中,費Sir因為頂撞甸恩而被罰停賽2場,並罰款1萬鎊。另外,2011年1月16日,曼聯作客0:0同熱刺打和既比賽中,甸恩將拉菲爾趕出場,呢個判罰亦令費Sir好火滾。
不過,甸恩並非只係「針對」曼聯,係今季執法阿仙奴0:2不敵曼城既比賽中,甸恩亦曾經將「飛鏟」韋舒亞既高柏尼趕出場,令文仙尼當場大怒,有趣既係,事後英足總亦無偏幫甸恩呢個錯判,最後曼城成功上訴取消高柏尼既紅牌。
勝率方面,甸恩執法曼聯同曼城既勝率都好高,唔似得甸恩執法阿仙奴令槍手17戰僅1勝。呢次係甸恩首次係聯賽執法「曼市打吡」,但係2010/11球季足總盃4強,曼城以1:0擊敗曼聯既比賽中,執法球證正正就係甸恩。

如果喜歡我們的文章,請即分享到︰

標籤: 甸恩  曼市打吡  

留言


請按此登錄後留言。未成為會員? 立即註冊
    快捷鍵:←
    快捷鍵:→