朗尼：上季唔開心只係因為唔想踢中場！ 精選

今個夏天，關於朗尼既轉會傳聞風波不斷流出，不過最終佢都係留番係曼聯。
日前接受采訪時，朗尼解釋左自己上季唔開心既原因，就係佢唔想成日踢中場。
朗尼唔鍾意踢中場其實一早就唔係秘密，不過今次面對英國傳媒采訪，朗尼終於公開承認呢點。
訪問入面朗尼冇提到費格遜，不過由佢既說話入面好易就睇得出佢同費格遜係呢方面既意見不合。

朗尼：你可以好明顯feel到我而家享受緊足球，莫耶斯上任之後將我擺番係前鋒，我好開心。
過去要我客串其他位置冇咩問題，不過我係一個前鋒，我覺得自己有自由同權力去踢自己想踢既位置。
冇前鋒踢當然令我有少少失望，或者就係咁導致我上季有d比賽冇發揮到最佳狀態。
球會入面每個人都知道呢點。或者等我老左，腳步慢左，我可以去踢中場，不過而家我仲未想踢呢個位。
我當然唔係話我肯定唔會咁做，假設球隊最後10分鐘需要加強控球，我可以踢後少少幫助球隊。
不過而家我職業生涯黎到呢個階段，我必須自私少少。
對於圍繞住朗尼身邊既轉會傳聞，朗尼話自己已經唔會再去考慮。
朗尼：老實講，成個夏天我一直都幾安定，我知道外界睇落可能唔係咁，但事實我唔係外界咁諗。
我同球會既人傾過，我地都知各自情況，球會亦已經表明立場。我太太又生左個仔，我真係好開心，所以我唔想繼續去講我想留低定離開，我只係想專注自己既足球，之後既事拭目以待啦。