曼聯、曼城爭年僅14歲天才門將!

曼聯新聞 於 21/11/2012 發表 收藏文章
據《天空體育》透露,曼市雙雄都一齊睇中左年僅14歲的格拉斯哥流浪門將麥克尼,麥克尼雖然先得個14歲,但係已經隨格拉斯哥流浪一隊訓練,亦係蘇格蘭U15同U16成員,有好多人都睇好佢成為未來頂級門將。其實佢係代表蘇格蘭參加勝利盾比賽時候,吸引左多間頂級球會注意,其中包括曼聯和曼城,而且格拉斯哥流浪因為財困問題,而被降落去蘇丙作賽,所以佢地更加無可能可以阻止曼市雙雄帶走佢。


曼聯首席門將迪基亞先至得個廿幾歲,前途光明,而且被外借出去的賓艾莫斯和莊士東都係英格蘭的U21/U18的主力門將。假如麥克尼最後選擇加盟曼聯,相信就要由U16打起,到一定年齡先可以爭取一份職業球員合約!


而曼聯係呢場爭奪戰主要對手曼城已經擁有世界出色門將之一的祖赫特,但係佢地已經為未來做好準備,希望可以收購麥克尼返黎,為未來做好準備。


麥克尼至今仍然未有實則的身價,但預計身價都唔會超過50萬鎊!


麥克尼係左邊個個黎!金色頭髮個個!

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→