曼聯歐冠抽籤解讀,14戰西甲只有1勝!

曼聯係歐冠小组赛將會同德甲既利華古遜、鳥克蘭既薩克達同埋西甲既皇家蘇斯達身處A組，
即使由綜合實力黎睇，英超冠軍係呢组入面好似一支獨秀，但其實唔係,曼聯既小组賽將會好艱辛，
利華古遜同薩克達都係硬骨頭，而曼聯係歐冠小组賽中面對西甲球隊一向戰績奇差亦係一個隱憂。

自1992年歐冠改制以黎，除左淘汰赛，曼聯係小组賽總共對陣西甲球隊14次，戰績只有可憐既1勝9和4負。 94/95球季，曼聯係小组賽中遇到巴塞，曼聯主場2-2打和對手，作客卻0-4被完爆。
98/99球季，曼聯再次小组賽遇到巴塞，就算當年費Sir帶領球隊奪冠，但小组賽兩戰巴塞既戰績都係3-3打和。

00/01球季第二輪小组賽，曼聯遇到西甲華倫西亞，兩場比數分别為0-0和1-1。
之後一年，曼聯遇到當時強勢既拉科鲁尼亞，但係遺憾地曼聯兩戰全敗，比數分别為1-2和2-3。
05/06球季，曼聯小组賽遇到維拉利爾，兩戰比數分別為0-0和0-1不敵。
08/09球季，曼聯小组賽再次對上維拉利爾亦只能打和兩場0-0。
曼聯歐冠小组賽面對西甲球隊唯一既勝利出現係10/11球季，當時作客憑小豆入球1-0小勝華倫西亞，
但番到主場又同對手打和1-1。歐冠小组赛陼段，曼聯同西甲球隊先後交戰14場，戰績僅為1勝9和4負。
面對西甲技術型球隊，曼聯似乎拎唔到著數，今次小组賽又遇到西甲既皇家蘇斯達，
曼聯能唔能夠改寫呢項耻辱纪錄呢?
相比經驗豐富既費格遜，莫耶斯係歐冠上仲係一個不折不扣既新手。
今次係佢第一次帶隊出戰歐冠，因此對曼聯黎講無疑係個大挑戰。
點樣係歐冠同聯賽多條戰線取得平衡，合理調配將會係極大考驗莫耶斯智慧。
睇番賽程，歐冠首輪將會係當地時間9月17號開始，之後5日曼聯就要出戰曼市打吡，而琴日公布既聯賽盃賽程，曼聯同利物浦既國家打吡亦被安排係呢個星期進行，
密集賽程再加上強勁對手都係莫耶斯頭疼問題。
同樣問題亦都出現係2月到3月之間，如果曼聯順利係歐冠出線，到时將會展開歐冠淘汰賽陼段，
而曼聯既幾個主要聯賽競争對手阿仙奴、曼城同利物浦都將會係同一時間對陣曼聯。
點樣合理調配，令球隊係多條戰線都保持戰鬥力將會係莫耶斯需要解决既主要問題。

相比阿仙奴同曼城，曼聯小组賽既對手實力相對較弱，如果正常發揮出線唔成問題，不過曼聯需要提防三隊爆冷。
11/12球季既歐冠中，曼聯抽到賓菲加、巴素利同加拉治，算得上上籤。
但球隊卻令人趺爛眼鏡慘被淘汰，莫耶斯需要小心呢類既悲劇重演。
交戰往績上，曼聯係第一次係歐冠對陣薩克達同皇家蘇斯達。
而曼聯之前對陣利華古遜4次，曼聯2勝2和保持不敗，其中02/03球季歐冠小组賽仲雙殺呢隊德甲勁旅。