曼聯攻擊點全歐洲第一!但失球數字係歐洲豪門最多!

曼聯新聞 於 21/10/2012 發表 收藏文章
曼聯羸史篤城四比二既比賽過後,曼聯係英超入球球員由11人增加到13人,包括有:雲佩斯﹑朗尼﹑香川真司﹑拉菲爾﹑韋碧克﹑小豆﹑蘭尼﹑史高斯﹑伊雲斯﹑聰明利﹑畢特拿﹑艾夫拿﹑鮑維,呢十三個人幫曼聯係英超轟入左二十一球,如果計埋歐聯同埋英聯盃,入球既球員將會多至十五人(卡域克﹑安達臣)!!


呢個數字係各大歐洲聯賽之中係最多的,其餘的球隊入球人數(只列入球人數多的球隊):祖雲達斯(12人)﹑曼城(10人)﹑巴塞(9人)﹑車路士(8人)﹑皇家馬德里(5人)。


為曼聯入得最多波既球員係雲佩斯,佢幫曼聯踢左十一場,入左十球,差唔到一場一球,助攻都唔少,有三個,延續左佢上季係阿仙奴既好表現,有人統計過。如果曼聯係夏季無買雲佩斯返黎,今季的成績一定慘不忍睹,因為假如去除雲佩斯今年既入球,曼聯各項賽事成績將會係:愛華頓1-0曼聯﹑曼聯2-2富咸﹑修咸頓2-0曼聯﹑曼聯4-0韋根﹑曼聯1-0加拉搭沙雷﹑利物浦1-1曼聯﹑曼聯2-1紐卡素﹑曼聯2-3熱刺﹑克魯日1-0曼聯﹑紐卡素0-3曼聯﹑曼聯3-2史篤城,錄得5勝2和4負,相比呢家9勝2負的成績相差好大


攻力好,不代表防守力都好,今年曼聯的失球數字,係十年黎最差,上年同期的英超第8輪後,只係失左6球,今年就已經失左11球,非常恐怖,今年已經出現過三場3比2同一場4比2!雖然今年後防傷兵人數高,但唔可以用呢啲做藉口,今年有幾次失球都係後防被人爆開,繼以射入!證明後防老化情況嚴重!


相比其他歐洲豪門,曼城失左8球﹑車路士失左6球﹑祖雲達斯失左4球﹑皇馬失左7球﹑巴塞失左11球,相比之下,曼聯防守力差得多!幸好一兩星期之後,年輕後防菲爾鍾斯復出,以及已康復但沒有進入尋日對史篤城大名單既史摩寧,希望可以增強防守能力!



如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→