曝水晶宮接受曼聯1500萬鎊報價,沙夏在倫敦密會費格遜;昔日天才前鋒或離開曼聯!

曼聯新聞 於 22/01/2013 發表 收藏文章
據《每日鏡報》透露,曼聯收購水晶宮天才韋費特沙夏終於踏出左關鍵既一步,水晶宮接受左1500萬鎊既報價後,沙夏就同曼聯傾個人條件,而尋晚佢就同費格遜係倫敦一間高級酒店會面,據了解,轉會之後既沙夏,年薪就會達到150萬鎊,係依家既10倍。
有消息指,曼聯將會先俾1000萬鎊,佢其餘500萬鎊就會視乎佢既上陣次數同表現而定,呢單交易最高轉會費可以達到1500萬鎊,水晶宮接受左曼聯既報價之後,就俾沙夏同曼聯傾個人條件。
尋晚曼聯作客熱刺係補時階段被逼和,之後佢地就去卡塔爾進行集訓,而費格遜就係倫敦一間高級酒店同沙夏會面,令雙方有深刻了解。曼聯同水晶宮既分野就係沙夏會唔會係下半季繼續效力水晶宮,曼聯俾左高額轉會費之後仍然未有決定。
韋費特沙夏即將加盟,而曼聯一名小將馬捷達就諗住走人。據了解,佢可能會外借至西乙球隊艾爾切去到今季結束,而佢會唔會永久轉會就要視乎艾爾切可唔可以升上西甲而定。艾爾切依家以10分領先優勢排係西乙榜首,好大機會可以升上西甲。不過,艾爾切要成功收購到佢仲要面臨多間球會既挑戰,德甲既史特加亦對呢名22歲前鋒好有興趣,佢地既體育總監表示:「我地已經考察左佢一段時間,佢係我地收購名單其中一個。」或者馬捷達唔能夠拒絕踢德甲既誘惑,最後加盟至史特加。

如果喜歡我們的文章,請即分享到︰

標籤: 曼聯  水晶宮  韋費特沙夏  馬捷達  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→