回顧：雙紅會經典大戰！ 精選

今個星期日就係「雙紅會」既大日子！呢家我地一齊回顧返之前既經典大戰啦！

1994年1月3日 利物浦3-3曼聯
曼聯係呢場比賽既上半場踢得順風順水，開波25分鐘就已經領先3-0，但主場既利物浦之後就開始大反擊，竟然連入三球追和，值得一提既係，射入追和一球既魯迪克，係比賽中仲同簡東拿發生衝突，佢地發生一輪罵戰之後，魯迪克仲捉住簡東拿衫領。
1995年10月1日 曼聯2-2利物浦
因為用波省水晶宮而被英足總罰停賽8個月之後，呢場係簡東拿復出既第一場比賽，開場無幾耐佢就助攻比隊友開紀錄，但之後利物浦連入兩球反先，最後簡東拿係臨完場前20分鐘射入十二碼追平。
1996年5月11日 曼聯1-0利物浦
呢場應該係英超創立以來最經典既足總盃決賽，賽前占士等人一身白色西裝亮相。不過比賽既高潮仍然係屬於簡東拿，係完場前既5分鐘佢係禁區頂射入一球好高難度既入波，而佢自己亦成為史上第一位作為隊長捧英足盃既非英格蘭球員。
1999年1月24日 曼聯2-1利物浦呢個球季曼聯奪得三冠王，佢地係歐聯決賽神奇反勝拜仁，但實際上之前同利物浦既比賽中曼聯已經將比賽既過程預演一次，當時仲效力利物浦既奧雲開波3分鐘就先開紀錄，曼聯一直踢到88分鐘先由約克追平，去到補時階段，由後備入替既蘇斯克查絕殺！呢場比賽幾乎同歐聯決賽一模一樣！
2000年12月17日 曼聯0-1利物浦當時利物浦已經5年幾未羸過曼聯，而曼聯主場已經連續36場不敗，結果梅菲一球精彩既罰球入波絕殺曼聯，不單終結曼聯主場不敗，仲係成為「曼聯剋星」既開始，之後梅菲係英超5次面對曼聯都有入波，而5次都羸到曼聯，無論係利物浦定係富咸。
2002年12月1日 利物浦1-2曼聯
科蘭係曼聯都唔算成功，成為入球少而被球迷戲稱為「水貨」，但佢係曼聯第一次梅開二度就係擊敗利物浦，令到曼聯球迷銘記於心，而且佢入波之後太興奮而除衫慶祝，好耐都著唔返件球衫，最後佢只係拎住件波衫去比賽。2006年1月22日 曼聯1-0利物浦
里奧費迪南係補時階段攻入致勝一球，當時曼聯隊長加利尼維利就狂奔60米去利物浦球迷看台進行慶祝，令到利物浦球迷極之憤怒，賽後就連曼市警察都對加利仔既行為作出批評，最後足總罰加利尼維利5000鎊，但佢至今仍然無後悔。
2006年2月18日 利物浦1-0曼聯
阿倫史密夫係對利物浦既足總盃比賽中因為要擋住對方射門而令到左腳多處骨折，佢差啲就當場昏迷，鏡頭影到佢隻左腳係非常恐怖，佢係吸氧氣既情況下要被擔架抬出場，但利物浦球迷就對救護車投擲石頭同水樽。
2007年3月3日 利物浦0-1曼聯
06-07球季既29輪，利物浦係主場迎戰曼聯。曼聯全場都處於被動，史高斯仲因為打阿朗素而被紅牌趕出場，不過奧沙係完場前絕殺利物浦，令曼聯戲劇性羸到呢場波。2009年3月14日 曼聯1-4利物浦
呢場係曼聯係英超歷史中主場對利物浦既最慘痛既敗仗，雖然C朗係開波無幾耐就為曼聯先開紀錄，但之後托利斯追平，謝拉特完半場前反超前，下半場維迪紅牌趕出場，奧利里奧罰球入波，杜辛拿臨完場前錦上添花。
2009年10月25日 利物浦2-0曼聯
維迪係完場前兩黃一紅被逐，令到佢連續三場面對利物浦都有紅牌，成為史上第一人，並最後令到曼聯0-2輸波，值得一得既係，今場比賽奧雲後備上陣，令昔日既利物浦王牌竟然會著死敵曼聯既球衣去到晏非路球場！
2010年9月19日 曼聯3-2利物浦
今場比賽一波三折，首先係曼聯以兩球領先，之後謝拉特連入兩球追平，完場前貝碧托夫精彩既倒掛完成絕殺，亦令佢成為64年以黎，第一位對利物浦上演帽子戲法既曼聯球員。2011年3月6日 利物浦3-1曼聯
冬季轉會到利物浦既蘇亞雷斯係呢場表現搶眼，佢令到曼聯防線非常之亂，功勞唔遜色過完成帽子戲法既古治，成為英超史上第二位可以係曼聯身上上演帽子戲法既球員，不過比賽最吸引人就係兩隊既火爆衝突，首先係加歷查飛鏟令蘭尼受傷離場，拉菲爾既犯規亦發生衝突，5分鐘內4張黃牌亦係一大焦點。2011年10月15日 利物浦1-1曼聯
蘇亞雷斯同艾夫拿既恩怨源於呢場比賽，蘇亞雷斯係比賽中用種族主義既語言侮辱艾夫拿，兩個係比賽中發生衝突，賽後艾夫拿對蘇亞雷斯既行為作出控訴，英足總介入調查，最後罰左蘇亞雷斯停賽8場。
2012年2月11日 曼聯2-1利物浦
之前因歧視艾夫拿而被罰停賽8場既蘇亞雷斯一直都唔服氣，係呢場既握手儀式中佢拒絕同艾夫拿握手，差啲就發生爭執，兩位既恩怨甚至超越比賽重要性。而賽後艾夫拿挑釁式既慶祝亦令人記憶猶新。
2012年9月23日 利物浦1-2曼聯
今季首循環，利物浦係晏菲路球場迎戰曼聯，上半場舒維爾被紅牌趕出場，下半場打少一個既利物浦由謝拉特先開紀錄，之後拉菲爾追平，之後曼聯靠華倫西亞博返黎既十二碼，憑雲佩斯射入，最終以2-1反勝利物浦。