佢可唔可以被「費查化」?

曼聯新聞 於 15/10/2013 發表 收藏文章
自從堅尼離開之後,費查可以話係曼聯中場防守硬度同既保證,初初出道既時候雖然經常比人問候,

不過同阿仙奴既藍斯一樣,鬧鬧下就不知不覺上左位,充足既體能同不惜氣力跑動為曼聯係中場提供保護。

費查短暫既巔峰同開竅之後就得到怪病,近兩年既出場率慘不忍睹,但佢打不死既精神仍然長存我地心中!

正如上面提到,自從費查患病以來,曼聯既中場成為近年係各大比賽或者強強對決既掣肘,

中場提供唔到對後防有利既保護,隨住里奧同維迪老化,對中場防守依賴只會越黎越大,

與此同時,卡域克年齡問題亦漸漸浮面,本來卡域克防守就唔算好好,加上體能不足,

令到佢係防守方面亦都冇可能達到頂級,卡域克既走動同攔截都會開始下趺。究竟邊個可以企出黎?

1.整體防守失衡

曼聯最舌底就係對傳球控球既掌握,冇傳控波既理念,係防守方面至少要比傳控浪費不少體力。

今季數據得出曼聯每場平均防守動作係最多,而且成功率其實係各隊豪門入面明顯冇優勢,

巴塞同拜仁呢類以傳控理念作為基本既踢法入面,防守動作其實好少,但成功率就好高,

因為佢地依賴高位逼搶同埋個人防守硬度,令成個防守系統都得到提高。

就算中場硬度同樣係弱點既阿仙奴,佢地都得益於傳控理念,成功率基本持平。

無論如何,總之將個波控係自己腳下係防守上最重要而且最有效既方法,

老實講,曼聯而家係呢方面在現在根本就係未夠班,既然係咁,就要極度依賴整體防守同個人掃蕩​​,

但係睇番曼聯今季既比賽同失球數字,整體防守已經出現好大問題,所以應該要通過個人能力!

於是,佢被費查化係因為根據時勢既變化而作出既改變。

2.當卡域克搭上奇華利
卡域克係拖後中場,就算防守動作多,但係睇番4-4-2既陣型其實係要依靠兩個中場中既走動,

卡域克每場既防守幾乎係奇華利兩倍,就算奇華利既搶斷成功率係高達驚人既93%,

但係69%既犯規率實在令人不敢恭維,或者咁講,奇華利既體能同來回前後場頻率係足夠而且到位,

但防守技巧同卡域克相比就好似麻鷹捉雞仔,完全係小學雞節奏....

如果奇華利能夠成功費查化,對曼聯黎講係好重要既元素,因為曼聯再唔需要比人指責中場薄弱,

而中場硬度提高,就唔洗怕係英超強強對決既時候會再出現比Y.杜尼完全壓倒性擊潰,

仲可以直接提升歐冠競爭力,對於奇華利費查化,無疑係加強防守技巧同覆蓋面。

或者可能會有人問:點解要加強呢d野?

以今季曼市打吡作為例子,曼聯防守存在很大隱憂,唔單止陣地戰既時候被擊潰,

係快速反擊當中,費蘭尼+卡域克既組合速度上被完爆,係高速運轉時候各種失位。

講完優點當然要講下缺點,我地一齊黎睇下費查缺點

局部傳切消失,中場同前鋒脫軌

對陣曼城既時候奇華利既表現可能係今季暫時黎講佢踢得最好既一場比賽,

佢落場之後朗尼被安排踢前鋒,費蘭尼踢前腰,曼聯直接進入愛華頓模式,

當出現呢個情況既時候,奇華利就好似送貨佬咁,係卡域克同費蘭尼之間做駁腳。

奇華利當場傳球成功率好高,但佢係前場既作用絕對唔係傳球成功率,

而係無球穿插,游走兩邊做駁腳同埋幫中間拉出空位。

正正就係呢種穿插,為曼聯下半場進攻既改善起到最重要既作用,

係卡域克拖後而且邊路和中路被割開既情況下,係禁區頂做快速傳切係曼聯最為缺乏既野。
呢個時候弱點就出現喇,如果費查化,呢種穿插就完全用唔到,而且係鐵桶陣既情況下,

無辦法為邊路提供穿插,無疑係一個敗點,即使可以保護到後場,但是駁腳既工作就會冇人去做,

前場同後場會完全被斬開,所以如果當呢個情況出現的話朗尼又要番去佢最憎恨既中場位置。

最後,奇華利究竟會唔會改?呢個都係一個問題。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Vincent Hon
    Vincent Hon 於 15/10/2013 評論 NO. 1

    我對C23期望很大的

  • 黑企鵝
    黑企鵝 於 15/10/2013 評論 NO. 2

    我覺得, 能代替費查O既人應該係爆炸頭...奇法利應該係轉營打邊路..雖然佢冇一般翼鋒O既速度, 但傳送準確. 就好似以前O既碧咸咁。

  • Oscar Lee
    Oscar Lee 於 15/10/2013 評論 NO. 3

    不過爆炸+Carrick真係好慢…
    完全頂唔住對手既快速反擊

快捷鍵:←
快捷鍵:→