中場線解剖 精選

講完防線檢閱就緊系到中場線拉,呢幾季好多曼迷都話:呀,硬系搵唔到一個好似堅尼甘既類型球員,又話冇人接到史高斯班,仲要靠雙斯苦苦支撐,今日就同大家解剖曼聯既中場線,例牌介紹一下今季有咩人腳先拉!
人腳檢閱
華倫西亞(左翼,右翼)
安達臣(中場中)
傑斯(中場中,左翼)
卡域克(中場中)
蘭尼(左翼,右翼)
艾殊利楊格(左翼,右翼)
史高斯(中場中)
卡華利(中場中)
費查(中場中)
鮑維(中場中)
香川真司(攻擊中場,中場中)

防守層面
人腳就系甘多喇,大家有冇發現好多都系偏向進攻型?
只系費查系傳統既防守中場,好多人都會問卡域克唔系咩?
卡域克只系比費sir想改造防中但系改唔到既進攻中場,負責派牌,
曼聯成隊波系費查傷病期間,冇落場既時候,
中場中可以話系冇左一道屏障去幫後防線減壓什至系仲幫防守線加壓,
好多時兩個中場中上哂去參與進攻對手一偷甩打反擊,上次講到拉菲爾經常失位喇,
中場中仲要回唔切,試問中堅可以救得幾多球呢?
如果對手唔打反擊打陣地戰,中場中好多時候都唔會向對手施壓,只會企系度睇,所以中場冇番個ball winner系度其實真系好危險!
上季聰明仔味傷既時候,筆者一度覺得佢可以擔當呢個角色,但受傷出番黎之後,
唔知佢系有陰影定系球會吩咐叫佢錫身d,佢冇左歌種去沖去搶既能力
如果卡華利可以加強番防守,相信史高斯接班人非佢莫屬!

進攻層面
今季引入香川真司,鮑維兩名攻擊中場,見到費sir唔想再靠兩翼進攻甘單調既決心,
打4-5-1時候香川在陣,的確系進攻上同前面擦出火花,攻勢源源不絕,
但香川有個缺點,就系太單薄,始終甘單薄既身型打英超系唔著數,
安達臣,聰明仔兩位今季亦見到佢地有所進步,安達臣更令筆者眼前一亮,冇左以往歌種唔爹唔吊既風格,而聰明仔進攻意識上亦加強左好多,但單刀方面就真系......要繼續努力喇!

翼位
近幾季可以話系曼聯既進攻泉源,今季好多時系靠佢地,所以翼位方面一定要由狀態穩健既人去擔當,
所以蘭尼非必要都唔好出佢,大家唔好以為筆者對佢有偏見,只佢既狀態十分飄忽,大家有目共睹,
佢一日唔改善呢個問題,佢都幾頭痕