【賽後速評】匈牙利 0-3 葡萄牙

米高同你拆局 於 16/06/2021 發表 收藏文章
凌晨12點嘅時間,F組嘅第一場,匈牙利同葡萄牙開踢。
最終結果,匈牙利0比3落敗,被葡萄牙一波帶走

相信大家,都唔會特別了解匈牙利,咁借勢,等我黎為大家介紹下依隊匈牙利嘅實力
(有唔少球員,都冇廣東話譯名,所以,部分球員會直接打英文+號碼出黎)


依隊匈牙利,話就話咩幾多場不敗,但實際上,參考意義真係唔高
拿波蘭嗰場黎吹捧嘅話,我懷疑,咁樣嘅行為,有過高吹捧波蘭嘅嫌疑
總體黎講,匈牙利之前嘅不敗紀錄,冇乜參考意義

今場,匈牙利排出352嘅陣型,而且因為有打疫苗嘅加成
匈牙利嘅352,充滿腎上腺素,並冇收住擺大巴
當然,夠膽咁做,更重要嘅原因,係喺葡萄牙嗰度

同時陣型,永遠只係個型
場上球員,具體會做d咩,各自擅長乜野,唔擅長乜野,依d先係重點


從後往前點評:右中堅botka,矮中堅,機動性,柔韌性都強
今場比賽,佢主要負責有球能力唔強嘅祖達,亦有幾次協防c朗
齋睇防守任務,做得尚算ok

但缺乏控,出球能力
最經典嘅:般奴費南迪斯嘅遠射,就得益於佢嘅出波失誤

因此,需要喺佢身邊配足夠嘅“技術元素”包括:右翼lovercsics,右中場,基連希士拿
當中,右翼,唔係一個強嘅角色,速度,對抗都一般
右中場,進攻時,有邊中搖擺屬性,有一定特點,但自身能力唔強


而匈牙利嘅另一側,原來喺熱身賽打右中衛嘅fiola,今場改打左翼
相當有後場技術(後場出波,後場控球,處理解圍球質量)嘅佢,所做嘅角色等同於早兩日嘅捷比亞打左閘
同捷比亞一樣嘅係,依種球員,普遍身體素質差,單防能力唔得
不過冇所謂,左中衛attila szalai係一個身體素質強,擅長上搶,但技術唔好嘅中堅
再加上左邊亦有,保護肋部意識好強嘅schafer
用咁樣嘅組合,同fiola形成互補

同時schafer喺進攻嘅時候,亦有邊中搖擺屬性,佢嘅能力,相對於基連希士拿,會強少少,但都強得唔多


最關鍵嘅,中路,亦係匈牙利嘅命脈
柯賓居中,喺冇面對住雙前鋒威脅嘅情況下,佢咁嘅水平嘅中堅,幾乎冇點出錯
但一旦對住雙前鋒,轉身慢被造點
該擴大自己防區,去前頂嘅時候,頂唔出去,被直接塞咗身後
總體黎講,柯賓唔強

拿治,佢嘅能力,技術特點,其實唔係防中
不過佢有保護肋部嘅意識,同埋邊中搖擺嘅能力
你哋可以粗略理解為:弱化版嘅高華錫

施沙拉爾,33歲嘅高齡,承擔住咁大嘅體重,依然可以有咁嘅光彩展現到出黎
除咗話,腎上腺素加成之外
佢有一套全面嘅真正中鋒嘅技術,係關鍵
既可以拉邊,同邊後衛玩腳底功夫

更可以直接對抗葡萄牙嘅中堅/防中
而且可以喺咁嘅情況下,處理好皮球
最後面嘅一點,係衡量一個前鋒,係唔係真中鋒/有幾多真中鋒屬性嘅關鍵點

不過受限於體能,66分鐘開始,匈牙利教練就換曬施沙拉爾身後嘅人
通過咁樣,黎幫施沙拉爾減輕負擔,變相為佢加血

另外,路蘭沙利亞,但更似一個反插前鋒
不過佢有一定“迂迴”嘅思路,從而顯得有少少10號位屬性
但更根本嘅原因,我相信,係佢嘅速度未夠快

總嘅黎講,匈牙利依隊波,整體實力唔強,冇乜後手可以出

但點解葡萄牙打得咁艱苦?

其實好簡單,問題只出喺下面4點嗰度

1、C朗已經37,冇辦法帶住球隊踢單前鋒體系,必須要雙前鋒黎做掩護先得
但,依個並唔係話C朗應該退出國家隊主力
因為,葡萄牙剩餘嘅前鋒,冇一個比C朗更全面
只要有本事令到C朗,一場比賽,只發力60-70分鐘,佢依然可以帶住葡萄牙出成績
但葡萄牙嘅後場,肯定冇辦法養得起“首發就雙前鋒”嘅打法
所以階段性雙前鋒,係必然選擇


但係,再階段性,未出雙前鋒嘅時候,都要將對手,充分消耗先得

2、依場波,最關鍵錯誤出喺,般奴費南迪斯身上
整個賽季嘅曼聯硬仗,打AC米蘭,打RB萊比錫,般奴費南迪斯都係企係邊路
原因係咩?就係因為佢喺高強度比賽中,完全冇,喺10號位區域,用球嘅能力
對抗,速度,技術,都冇,就咁簡單
般奴費南迪斯打前腰嘅時間,佢完全冇辦法喺10號位區域接到波
只識得反插
同時顯現出,喺曼聯刷咗1個半賽季數據,到頭來,乜用都冇

而為咗俾佢打10號位/前腰,就令到,目前葡萄牙陣中,最有前腰屬性嘅貝拿度斯華,被迫踢邊路
而貝拿度斯華踢邊路,冇速度

進而導致到,所有嘅球路,都往曬邊路,而邊路嘅兩個攻擊手,一個冇速度,啱啱講咗
另一個,有球能力有限,講緊祖達
同時,祖達唔似基迪斯咁,可以上下往返帶波,可以大幅回防
保護古利路,同帕比
導致左路去到後半段,不斷有爆炸嘅風險

但一切嘅錯,就係叫做般奴費南迪斯依個8號位,去做10號位嘅職能


3、帕比,魯賓戴亞斯,都唔係前頂型嘅中堅,依個問題,需要丹尼路彭利拿拖後,先可以解決
今場比賽,丹尼路彭利拿,同威廉卡華路嘅位置,好似調轉咗
未來嘅比賽,要安排正確先得

4、山度士第一個換人,居然唔係換走般奴費南迪斯
亦唔係通過戰術改變,叫般奴費南迪斯同,貝拿度斯華換位
而係將貝拿度斯華直接換走
依個做法,霖法,相當危險
假如對住強隊,葡萄牙再次出現冇前腰嘅話
拉法斯華,並唔係一個前腰,佢嘅技術比貝拿度斯華,粗糙得多

5、剩餘嘅替補球員當中,山齊士+基迪斯,價值好大
希望未來可以得到重用
兩個都係可以兼顧攻防,攻防都係邊中搖擺嘅角色
係5個換人嘅大背景下,依d,先係真正有用嘅人

到時就唔係一個越位入波,黎懲罰你哋了

至於簡些路中招,薛美度上位,冇乜咁大影響,兩個都唔係防守叻嘅邊後衛
依個變動,冇乜實質影響

總嘅黎講,21年嘅葡萄牙,相對於,16年黎講
絕對係下滑咗嘅一個版本
但係,假如安排得合理,依然有機會捧杯
但要做到依方面,只能旨意山度士了

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→