話說FIFA2016啱唔出左頭50位嘅球員數值，美斯C朗毫無意外穩佔一二位，同第三嘅蘇亞雷斯差距至少三分，而頭十位依舊是熟悉嘅臉孔，伊巴洛賓堤亞高依舊名列前矛。然而遊戲始終是遊戲，曼聯英格蘭雙料隊長朗尼就依然達到86分，憑一人之力帶威爾斯超越英格蘭嘅巴利就以87分屈居第23位，數據真確性相信都唔需要點考究，大家心照啦。
FIFA嘅世界有時係好唔合理，物理上嘅定律有時可以完全無視，球員性取向又可以真實呈現比各位玩家知，狂攻十幾腳都可以唔入，冇錯呢個就係FIFA，係一個點錯都令你愛上嘅足球遊戲。
FIFA嘅咁多模式裡面我玩得最癲嘅一定係career mode，特別係教練mode，買幼齒再練到佢做球壇一哥，滿足感真係好難形容，一開始帶隊班霸連續贏幾年六冠王，之後就護級隊贏歐聯，然後就由低組別聯賽一路上，去到成為一代豪門！記得以前一玩就連續8個鐘係咁玩，打強隊就自己落手，打弱旅就sim game ，最深刻就係一路帶隊當時英乙嘅Aldershot Town F.C.殺到上歐聯決賽2比1贏左國米，真係開心到好似贏左世界盃咁！有啲野永遠冇咩可能喺現實做到，FIFA嘅遊戲mode就可以輕易做到，例如有啲球隊喺現實可能永遠攞唔到冠軍，喺FIFA一剎那就做到，又或者好難會有球會用三千六百萬鎊買個未證明自己嘅19歲新仔，現實中冇咩人會做到，總之有好多事冇可能嘅事，FIFA都可以做到！
其實玩FIFA對我黎講係一場夢，係一場好真實嘅夢，我會記住每一個入球，記得自己每次空龍天空射球，每次贏波，每次輸波⋯⋯對我黎講冇可能實現嘅一個夢想就只可以靠FIFA嘅世界完成呢個夢想。或者人地睇我玩FIFA就只係覺得我玩緊一場遊戲，但對我黎講係一場夢，我係發緊一場夢，一場make me dream嘅夢。
喜歡的話就Like and Share啦
Facebookpagehttps://www.facebook.com/MessiDaily/likes
請按此登錄後留言。未成為會員? 立即註冊