從摩佬失分鬧Eva看豪門領隊輸波的語言藝術


摩連奴早前於戰和史雲斯賽後表示軍醫團隊的決定導致球隊未能全取3分,而昨日車路士隊醫Eva喺Facebook則發文感謝大衆對醫療團隊的支持,以暗諷摩連奴早前嘅批評。
人稱狂人嘅摩連奴作風一向古怪,今次和波大家實估到佢會搵野瀨,但係就未必估到佢竟然係瀨隊醫。既然叫得做狂人,佢諗野我地唔明其實好正常,今次公開批評Eva係佢真係不滿?定係轉移視線解釋失分嘅藉口?
摩連奴失分搵野瀨都唔係咩新鮮事,例子有批評韋斯咸踢19世紀足球、最好的球隊輸給了紅牌等。講番正題,摩連奴於戰和史雲斯賽後表示軍醫團隊於夏薩特受傷一事的處理非常不恰當。先不研究夏薩特嘅傷勢,球員嘅傷勢應該球員自己最清楚。摩佬一口斷定佢係只係撞傷,都有可能嘅,日日睇住班球員不停操,真傷定假傷分到唔出奇。隊醫帶球員出場邊治理係球例規定,同時亦即係表示球場會少左一個人,摩佬就用呢一點黎解釋咁樣導致少左人防守,因而未能贏波。就咁聽都覺得唔多合理,相信摩佬完全係轉移失分嘅藉口。
作為上屆冠軍,第一場波失分的確令球迷同老闆失望,而作為一個豪門嘅領隊,大家對佢嘅期望就係贏波,一輸波就要有比人鬧嘅準備,和波就睇下你有咩藉口去解釋,解釋得好受到嘅批評就相對會冇咁多,所以每一隊豪門領隊輸波一定會最少搵一個藉口,如果係球員差而輸就好少少,唔洗諗咁多,歸咎於球員就可以。
咁或者就有一個問題喇,反正輸波不如讚下對手好波,輸波唔輸風度啦。我認為呢種情況只可以喺爭冠無望先可以用,聯賽係長期嘅作戰,輸波讚對手除左令對手信心大增,亦都會對自己球員造成一定嘅打擊,反之歐聯呢種淘汰賽出左局就緊係讚下對手攞番風度啦,好似上季車仔輸比巴黎之後,摩佬就讚賞對方球隊,表現出大方得睇嘅紳士風度。
而有一種人輸波就會坦白認輸波,也會表揚對方的守門員,而理由就是對方守門員太出色,所以球隊無法取勝。又或者表示對方運氣很好,入球是靠罰球折射取勝。
作為豪門領隊,不但要識贏波,更要懂得輸波如何說話。

喜歡的話就Like and Share啦
Facebookpagehttps://www.facebook.com/MessiDaily/likes

留言


請按此登錄後留言。未成為會員? 立即註冊
  • 螞蟻哥 於 12/08/2015 評論 NO. 1

    玩針對都唔好玩咁大

快捷鍵:←
快捷鍵:→