心底話|其實雲加算係咁

米活記者會 於 02/09/2016 發表 收藏文章
今次唔係咩專訪,亦唔係甚麼新聞,只係一樣想分享好一段時間既感想。可能係隔離飯香:睇完你會明。


成日都會有啲人話"而家啲後生" - 身在福中不知福。

到底我、又或者其他後生係唔係身在福中不知福,我唔知,但係叫雲加執包袱既阿迷就一定係。

筆者立場係好鮮明 - 利迷一個,所以我完全係以作為一個利迷既角度出發,唔意外。

每年都會部份阿迷叫雲加執包袱,舊年特別多,而我係絕對贊成。因為英超將會少左一隊持續穏定地發揮高水準既球隊。

利物浦同阿仙奴,本身係無乜怨仇,即使蘇阿雷斯事件後,其實都係無乜怨仇,你唔係我既宿敵,我都唔係你仇人。

但係利迷會樂見阿仙奴跟隨曼聯後費格遜年代既沉淪(可能摩連奴可以帶領曼聯走出谷底,但呢兩三年既曼聯有幾沉不需多講)。

當你見到費格遜搵左咁耐接班人,最後都係搞到咁,有幾多位阿迷仍然天真到覺得搵第二個領隊就可以短期內有冠軍攞,有,果個可能係摩連奴,即係你地天敵。

作為過去十幾年一直支持利物浦既球迷,真心想講一句,無雲加,阿仙奴既下場可能會比利物浦更悽涼 - 兩三年賣一次隊長+換一次領隊,唔洗好耐就可以洗脫歐聯十六郎污名,因為都會去左歐霸。

阿迷應該比任何人都清楚,其實過去咁多年,你地每年都要填番新球場條數,試問如果一間公司有咁既財政背景,有邊個老細仲會開大條水喉比自己啲細做野。再舉一個現實例子:爭緊咭數,就算有好想買既野,有啲常識既都知道要忍手。點解仲會有人年年鬧雲加唔買大牌...

筆者並非存心發起罵戰,而我開首亦坦言,十分希望阿仙奴換領隊。

只係,筆者認為,一個過去接近十年一直幫球隊填數兼攞到好成績既功臣,如今落得如此下場,叫雲加執包袱既,昰阿仙奴球迷還是勝利球迷呢...?



*你的支持是米活記者的最大動力,請到小編開設既Facebook專頁按個like支持吧!
Facebook專頁 : https://www.facebook.com/melwoodinhk/

標籤: 雲加  阿仙奴  

留言


請按此登錄後留言。未成為會員? 立即註冊
  • Caleb Chou 於 03/09/2016 評論 NO. 1

    債又還完,劇本照舊
    爭冠決心冇,仲要攪住禾仔
    有人想佢走其實唔出奇
    利申曼迷

  • Caleb Chou 於 03/09/2016 評論 NO. 2

    債又還完,劇本照舊
    爭冠決心冇,仲要攪住禾仔
    有人想佢走其實唔出奇
    利申曼迷

  • jasontheking 於 03/09/2016 評論 NO. 3

    禾仔就是missing puzzle

  • Siu Hong O 於 03/09/2016 評論 NO. 4

    你睇下爵爺同睇下佢…

    佢俾人柴得咁勁係因為不思進取。

  • eri yap 於 03/09/2016 評論 NO. 5

    如果換領隊 應該換邊過咧?

  • ahbin 於 03/09/2016 評論 NO. 6

    用心不良?雲膠都撑?不如祝雲膠長命百歲,永不言退,千秋萬世。

  • 李奧152 於 03/09/2016 評論 NO. 7

    其實雲格最錯唔係買人政策,綜觀而計,雲格買人好少出錯,大部分都岩用。雲格最大問題係用兵問題,第一錯用球員:過去好多比賽,出場位置都有資源錯配時候,絕好例子就係打開中場中既艾沙雲錯用打左翼,將不善打防中既阿迪達就打防中等...往往浪費左好球員發揮。第二比賽指揮戰術問題:過去幾年陣式無變化,例如打開4-3-3,無論開季到季尾都要咁打,有時夾硬將不熟悉位置既球員編落去踢,開波到完場陣式不變,而且好多比賽都無善用換人名額,往往場上球員疲憊盡現都無換,好多場90分鐘賽事都只會換1,2名球員替補。

  • rahowong 於 03/09/2016 評論 NO. 8

    2016仲講緊阿記還債,利迷果然活在自己嘅世界

  • 蘇亞雷b 於 03/09/2016 評論 NO. 9

    無左雲爺爺個陣,阿記d球迷先會知佢好

  • Won 於 04/09/2016 評論 NO. 10

    就係太多阿迷咁既心態所以咪冇冠軍

快捷鍵:←
快捷鍵:→