高普大讚利物浦踼出「祖阿倫」足球

米活記者會 於 09/05/2016 發表 收藏文章
利物浦在剛過去的週末,主場半力出擊仍以二比零擊敗屈福特,陣中起用不少年青球員,賽前難免令人聯想起上週末慘敗於史雲斯的經過 - 中場完敗,今仗起用祖亞倫搭奇雲史釗活出任防中控制中場,效果立竿見影。

賽後高普出席記者會,不忘讚賞球隊的表現。

正選陣容中作出八個調動,對於球隊的表現...
再一次,表現得好好,直到呢一刻,所有既輪換都並唔係一個問題,對史雲斯果場都無問題,作客史雲斯果場對我地黎講好難踼,係我第一次係十二點正 (當地時間) 比賽,我地十點鐘開左賽前既會議,我都幾肯定我唔係係最精神既狀態,所以我地點可以預期球員佢地會係最佳既狀態?我地有好多場比賽都係晚上八點踼,爭好遠架。我地果場踼得唔係幾好,係真既。但係今日,球隊無乜問題,好專業既表現,我地做左必需要做既野,呢場唔係一場好精彩或者可以放入利物浦博物館既比賽,但係就係好專業,我地係表現較好既一隊,值得勝出,所以我都好高興。


對於年青球員既貢獻...
我地必需比機會佢地,而佢地亦抓住了機會。奧祖,大家都見到佢既表現有幾好。蘭度,出左場幾分鐘。班拿根,佢準備出場果陣我同佢講「呢個唔係你踼開既位置黎,Sorry」,但係今場之後,我要同佢講「當我無講過,你可以踼呢個位」,真係非常好。史釗活個位都幾辛苦,唔易踼。我地做既每一樣野都有進步,球場既草有少少短得滯,同埋有啲濕,但係咁既天氣,下半場果陣啲草都已經乾左,咁樣係會較難踼。米勞列有一兩個精彩撲救,成場比賽都無乜問題,值得贏波。


聯賽目標排第六...

我地需要踼足球,我地星期三會對車路士,我認為呢場係足球世界上其中一場大戰。如果你而家已經開始休息,咁係巴塞爾將會無機會獲勝,我地需要做既係我地必需做既野。呢幾個月,我地嘗試控制比賽既強度,我地都做到,我地亦會係未來十日做同樣既野 - 對車路士,西布朗同埋西維爾。


對住祖亞倫在陣中既重要性...
係賽前,開會果陣我同佢地講,如果我地今日能夠踼出「祖亞倫足球」 - 高超既技術、勤力、非常有活力、非常積極,將會很好。佢係一個好球員,係一支好既球隊入面,你需要有多啲咁好既既球員,你總會遇上而家 (要輪換) 既情況,但係佢今日做得好好,佢係一個好孩子同埋一個專業既足球員。如果今日無左祖亞倫,情況將會十分不同,所以有佢係度,我好放心。


*你的支持是米活記者的最大動力,請到小編新開設既Facebook專頁按個like支持吧!
Facebook專頁 : https://www.facebook.com/melwoodinhk/



Source: http://www.liverpoolfc.com/news/first-team/220355-the-boss-on-watford-victory-joe-allen-football-and-more
標籤: 祖亞倫  高普  

留言


請按此登錄後留言。未成為會員? 立即註冊
  • 博文 於 09/05/2016 評論 NO. 1

    係咁讚佢,但出場又咁少 奇怪

快捷鍵:←
快捷鍵:→