高普於作客維拉利爾賽後記者會發表了不少意見，更表示，對賽後，維拉利爾會較賽前更尊重己隊，因為他們見識到己隊的實力，詳見內文。
對於利物浦於比賽中的表現…
「當然，我滿意球隊既表現，係某啲部份我地係表現得好好。賽前可能我地對維拉利爾認識唔多，但而家一定會較清楚對方，佢地踼得好好，但係我地作為客隊黎講，都已經踼得好好，不過足球就係咁，即使一直控制戰局，但係九十二分鐘，一次反擊就會咁，當然唔係好理想，同埋呢樣野本身唔應該發生。我地有摩蘭奴帶來精彩既畫面、有賓迪基既頭鎚，同埋我地一眾年青既球員既表現。佢地既表現絕對專業。今場只係第一回合，當佢地完場果陣係我地身邊慶祝，我想講 “Sorry，未完架，你地黎緊仲要黎晏菲路”，我地將會做好準備。」
對於換人既調動…
「古天奴身體不適，我地有一兩個後防球員可以調動，但係賓迪基係呢個時候可以幫到我地，呢個係唯一既原因，換佢出黎唔係主要為左要進攻，我地認為呢個唔係一個差既決定，但係我地欠運。返到更衣室果陣，個個都同我講，拉蘭拿果球無越位，其實我都幾肯定係無越位，我真係非常非常不滿，係大賽入面，你往往需要一啲正確既決定，但最終卻係咁樣。」
對次回合既信心…
「踼完呢場之後，我對晉級既信心並無增減，而家我有更多關於對方既資訊，同埋即使今場波，賽果係我地贏一比零咁又點？咁樣唔代表我地可以以放住假既心態黎迎戰次回合。而家我地要為次回合訂立一啲規矩，有幾樣野我地要解決，但係我樂見球隊表現唔錯，我睇到唔少野，同埋球隊既表現說明左，我地次回合可以勝出，呢個唔係一定，但係返到晏菲路既時候，有第十二人會幫我地做到更多。請唔好將呢場波同多蒙特果場波比較，而家既賽果其實都係正面既，一比零唔係地球上最大既比數，我相信維拉利爾而家會認識多左我地，同埋會更尊重我地。賽前，我地係英格蘭球隊、有名氣、無實力，而家，我地都係英格蘭球隊、有名氣、較有實力，同埋我地會想盡辦法取勝。」
有無感覺到維拉利爾求和…
「咁樣諗當然好簡單，如果賽果係零比零，佢地可能會滿意，我地都可能會滿意，但呢個只係一個好平凡既賽果，如果無人入波，咁就會零比零，但係零比零並唔代表啲咩。佢地強於防守反擊，返到主場我地要全力進攻力求入波，啱哂佢地既踼法，所以一切沒有改變。兩隊都唔係弱隊，賽前我地大家都知道，但係我真係幾高興，我地一開局已經表現得好有活力，講緊既活力，唔係個個好似都跑到好似兔仔咁。球隊今日踼得好有耐性，我地開放左兩邊翼位進攻，對住維拉利爾係要咁踼，而我地做到，我都好滿意。我地唔想比對手入到波，但係我地做唔到，但係我又唔覺得開波之前佢地會對零比零感到滿意，但係而家已經無需要再諗呢啲，因為佢地已勝出首回合。」
對於球隊因失誤造就對方入波…
「如果你想了解呢個問題，首先你要諗番起我地成場波既其他失誤，試試吧，我唔會幫你，我對呢個入波無乜興趣。我執教生涯有十六年，你估下我見過有幾多個失誤而導致既失波？難以置信既失誤，我唔係太想諗呢樣野，已經發生左，老實講，失呢球係因為唔夠聰明。呢球明顯係一個防守反擊黎，左後衛去左邊？其他人又去左邊？我地有好多問題可以問，但係咁樣會顯得好蠢，我地而家要既係一齊成長。係呢一刻，發生左，就要接受，但係唔需要擔心，無時間比我地去抱怨，如果有球員想嬲十分鐘，盡情嬲，但係我地要放眼於次回合主場迎戰維拉利爾，就係咁多。」
*新開設既Facebook專頁，想更緊貼利物浦及足球有關既最新資料就Like啦!
Facebook專頁 : https://www.facebook.com/melwoodinhk/
Source: http://www.liverpoolfc.com/news/first-team/218942-jurgen-klopp-it-s-not-over-we-ll-have-anfield-behind-us
對於利物浦於比賽中的表現…
「當然，我滿意球隊既表現，係某啲部份我地係表現得好好。賽前可能我地對維拉利爾認識唔多，但而家一定會較清楚對方，佢地踼得好好，但係我地作為客隊黎講，都已經踼得好好，不過足球就係咁，即使一直控制戰局，但係九十二分鐘，一次反擊就會咁，當然唔係好理想，同埋呢樣野本身唔應該發生。我地有摩蘭奴帶來精彩既畫面、有賓迪基既頭鎚，同埋我地一眾年青既球員既表現。佢地既表現絕對專業。今場只係第一回合，當佢地完場果陣係我地身邊慶祝，我想講 “Sorry，未完架，你地黎緊仲要黎晏菲路”，我地將會做好準備。」
對於換人既調動…
「古天奴身體不適，我地有一兩個後防球員可以調動，但係賓迪基係呢個時候可以幫到我地，呢個係唯一既原因，換佢出黎唔係主要為左要進攻，我地認為呢個唔係一個差既決定，但係我地欠運。返到更衣室果陣，個個都同我講，拉蘭拿果球無越位，其實我都幾肯定係無越位，我真係非常非常不滿，係大賽入面，你往往需要一啲正確既決定，但最終卻係咁樣。」
對次回合既信心…
「踼完呢場之後，我對晉級既信心並無增減，而家我有更多關於對方既資訊，同埋即使今場波，賽果係我地贏一比零咁又點？咁樣唔代表我地可以以放住假既心態黎迎戰次回合。而家我地要為次回合訂立一啲規矩，有幾樣野我地要解決，但係我樂見球隊表現唔錯，我睇到唔少野，同埋球隊既表現說明左，我地次回合可以勝出，呢個唔係一定，但係返到晏菲路既時候，有第十二人會幫我地做到更多。請唔好將呢場波同多蒙特果場波比較，而家既賽果其實都係正面既，一比零唔係地球上最大既比數，我相信維拉利爾而家會認識多左我地，同埋會更尊重我地。賽前，我地係英格蘭球隊、有名氣、無實力，而家，我地都係英格蘭球隊、有名氣、較有實力，同埋我地會想盡辦法取勝。」
有無感覺到維拉利爾求和…
「咁樣諗當然好簡單，如果賽果係零比零，佢地可能會滿意，我地都可能會滿意，但呢個只係一個好平凡既賽果，如果無人入波，咁就會零比零，但係零比零並唔代表啲咩。佢地強於防守反擊，返到主場我地要全力進攻力求入波，啱哂佢地既踼法，所以一切沒有改變。兩隊都唔係弱隊，賽前我地大家都知道，但係我真係幾高興，我地一開局已經表現得好有活力，講緊既活力，唔係個個好似都跑到好似兔仔咁。球隊今日踼得好有耐性，我地開放左兩邊翼位進攻，對住維拉利爾係要咁踼，而我地做到，我都好滿意。我地唔想比對手入到波，但係我地做唔到，但係我又唔覺得開波之前佢地會對零比零感到滿意，但係而家已經無需要再諗呢啲，因為佢地已勝出首回合。」
對於球隊因失誤造就對方入波…
「如果你想了解呢個問題，首先你要諗番起我地成場波既其他失誤，試試吧，我唔會幫你，我對呢個入波無乜興趣。我執教生涯有十六年，你估下我見過有幾多個失誤而導致既失波？難以置信既失誤，我唔係太想諗呢樣野，已經發生左，老實講，失呢球係因為唔夠聰明。呢球明顯係一個防守反擊黎，左後衛去左邊？其他人又去左邊？我地有好多問題可以問，但係咁樣會顯得好蠢，我地而家要既係一齊成長。係呢一刻，發生左，就要接受，但係唔需要擔心，無時間比我地去抱怨，如果有球員想嬲十分鐘，盡情嬲，但係我地要放眼於次回合主場迎戰維拉利爾，就係咁多。」
*新開設既Facebook專頁，想更緊貼利物浦及足球有關既最新資料就Like啦!
Facebook專頁 : https://www.facebook.com/melwoodinhk/
Source: http://www.liverpoolfc.com/news/first-team/218942-jurgen-klopp-it-s-not-over-we-ll-have-anfield-behind-us
請按此登錄後留言。未成為會員? 立即註冊