奧巴美揚：高普帶領既利物浦係有啲唔同

多蒙特射手奧巴美揚日前讚嘆前教練高普帶領的利物浦已變得相當特別。


談及早前作客晏菲路，於大好形勢下被反超前踼出局，這名二十六歲射手坦言「直到現在，我都無法相信，實在難以置信，但係我地大家都知道，利物浦就係有咁樣既能力。不過有一樣野我可以肯定，高普係好關鍵既因素，當我地一齊係多蒙特合作既時候，隊友都會成日講起佢，佢亦都好了解我地。」


「當計分牌顯示 3 : 1 既時候，我認為我地都無鬆懈到，但係我地太過沉醉於上半場既美好，通常我地都會施加更多壓力比對方，而形勢會更好。」

「利物浦係有啲唔同，高普為佢地帶來能量，佢地任何時候都能夠取勝，就算係輸緊，佢地一樣可以反敗為勝。佢地真係好特別，而我相信佢地一定能夠於巴塞爾高舉歐霸獎盃。」


本季已於各項賽事攻入三十四球，奧巴美揚已經分別係意大利 (AC米蘭)、法國 (法乙迪安、里爾、摩納哥以及聖伊天) 同埋現處既德國多蒙特踼過波，這名出生於法國的加蓬國腳表示希望能夠完成歐洲頂級聯賽大滿貫 - 踼勻英德意法西五個頂級聯賽。


「我梗係想啦！一定會好開心，不過睇下點啦。」「我既夢想係去西班牙踼波，因為我媽媽係西班牙人，同埋我都有部份屋企人係果邊，所以去西班牙踼波係我其中一個夢想，當然，呢一刻我好清楚自己仲係德國踼緊波既。」
「我都有睇英超，有留意部份比賽，每一隊都相當唔錯，我好鐘意，因為每一場波都係踼得好開放，同埋有一樣野 - 英超既比賽，球場中會有好多空間，我好喜愛呢一點，因為我可以盡情跑。」

「所以我覺得英超絕對唔錯，同埋非常特別。」


*新開設既Facebook專頁，想更緊貼利物浦及足球有關既最新資料就Like啦!
Facebook專頁 : https://www.facebook.com/melwoodinhk/


Source: http://www.liverpoolecho.co.uk/sport/football/football-news/aubameyang-liverpool-something-special-under-11246989