高路托尼:我已準備好上陣阻止維拉利爾進攻

米活記者會 於 25/04/2016 發表 收藏文章
利物浦本來一對正選中堅為:右中堅路夫蘭,左中堅沙高,唯沙高最近受禁藥事件影響,雖然歐洲足協尚未對沙高作出判罰,但教練團早已決定暫時不會派沙高上陣,因此,週中歐霸杯作客維拉利爾,高路托尼有相當大機會替沙高出任正選左中堅。


被問到即將以三十五歲之齡正選出戰維拉利爾,這名科特迪瓦中堅表示「如果教練需要我,我梗係會好開心啦,我認為我係上一場 (主場對紐卡素) 表現唔錯,不過我而家需要休息一下,而我將會打醒十二分精神。史基泰爾狀態好好,同埋盧卡斯都可以出任中堅位,正選出邊個由教練決定。」

「對我黎講,最緊要係幫助到球隊,黎緊將會係兩場大戰,而你需要為球隊付出所有。我地有幾位表現好好既隊友無法上陣,呢個係一個艱難既時刻,但係我地都會以現有人腳顯示比對手睇,我地有多強大。」


後選席上雖有史基泰爾可選擇,這名斯洛伐克國腳比高路托尼年輕有活力,回防速度亦較快,但早前作客修咸頓,半場入替後交出災難性表現,實在令人難以委予重任。參考高路托尼本季幾次為利物浦上陣做替工,表現絕不失禮,有一點相信更勝沙高:防守企位。主場反勝多蒙特固然令人振奮,但三球失球全因沙高包越位,責無旁貸,相信經驗老到的高路托尼犯同樣錯誤會較細。


另一選擇盧卡斯,最大弱點為制空力不足,現更缺少安利簡回後搶點,假如真的委派盧卡斯上陣,相信路夫蘭將要準備四圍救火,而米勞列出洋相機會亦會大增。三選一的話,高路托尼的確是較令人放心的選擇。


*新開設既Facebook專頁,想更緊貼利物浦及足球有關既最新資料就Like啦!
Facebook專頁 : https://www.facebook.com/melwoodinhk/


Source: http://www.liverpoolfc.com/news/first-team/218230-kolo-toure-i-m-ready-for-task-of-stopping-villarreal

留言


請按此登錄後留言。未成為會員? 立即註冊
  • Chris0321 於 26/04/2016 評論 NO. 1

    米列達?

  • Anfield12 於 26/04/2016 評論 NO. 2

    多謝提點,已更正

快捷鍵:←
快捷鍵:→