夏薩特：車路士無人想熱刺攞到冠軍 精選

車路士中場球員夏薩特近日透露，史丹福橋入面，無人想見到熱刺反超李斯特城贏得聯賽冠軍。


最近傷癒復出的夏薩特話「不論球員、球會方面同埋球迷，都無人想熱刺贏到冠軍。係足球既世界，你永遠唔會知道黎緊將會係點，我地希望係李斯特城贏到冠軍，因為佢地完全值得。黎緊我地會對熱刺，如果我地能夠擊敗佢地，咁就最好。」

談及最近終於開齋，夏薩特表示「我最近呢個令月都好努力操練，好高興我能夠再次上陣及取得入球，對我同對球會方面都係好好。我啲隊友經常都好支持我，我地今季踼得唔係幾好，大家都知道，但係而家只係淨番四場比賽，而我地要好好享受。」


相信阿仙奴球迷應該同夏薩特想法一致。另外值得一提的是，車路士餘下四場分別都要與熱刺及李斯特城對賽，熱刺想繼續保持爭標機會，真係要問過車路士。


*新開設既Facebook專頁，想更緊貼利物浦及足球有關既最新資料就Like啦!
Facebook專頁 : https://www.facebook.com/melwoodinhk/


Source: http://www.chelseafc.com/news/latest-news/2016/04/reaction--controlled-performance.html?extcmp=SOCIA_TW_ENG_NEWS_POSTMATCH