勵志故|丹尼京斯:為何我要說感謝

米活記者會 於 16/05/2016 發表 收藏文章
丹尼京斯表示非常感謝一眾球迷、隊友、高普及米活醫療團隊在他受傷期間一路以來的支持。
該名英藉前鋒於昨天作客西布朗的賽事中,第六十四分鐘後備上陣,亦是自從去年十月四日以來第一次為球隊披甲。

京斯季初來投,其不惜氣力跑動的踼法深得球迷歡心,普遍認為他將十分適合當時新上任高普的迫搶踼法,唯惜他們還未開始合作,京斯已提早"收咧"。

經過七個月的努力,京斯終趕及在球季結束前神奇復出。對京斯而言,這漫長的養傷日子無疑難受,他早已急不及待回歸綠茵場上,故他十分感謝身邊一直協助他克制傷患的人。
「今日能夠再次上陣,果種感受好難用言語表達,但係有樣野好重要,我要多謝一直係身邊幫助我既人。」

「球迷唔係真既,呢個世界上絕對唔會有咁好既球迷,我無諗過自己無踼咁耐,出場時竟然聽到球迷歌頌我個名,搞到我毛管動,頭髮都豎起埋,但係我意識到利物浦上下係如何地美好。」
「我都想多謝身邊既隊友,係我未能完全恢復操練期間,多謝佢地為我做既一切,米活既氣氛無得頂,更衣室裡面點都會有人係你身後照顧你,又會有人接送。如果無左佢地,一切都會困難得多,祖高美斯 (Joe Gomez) 呢段時間入面同我一齊操練,佢係一個十分唔錯既後生仔。」

「最後,我要特別多謝兩組無上重要既人:利物浦既醫療團隊同埋我既家人及朋友」
「利物浦既隊醫係世界級既,令我可以更快地復出,同埋令我處於非常好既狀態,我要點名鳴謝物理治療師 - 哥路比斯基 (Matt Konopinski),自從我受傷以來,佢每一日都陪伴我左右,我欠佢太多,我經常對佢心存感激。」

「對於家人及朋友,受傷果陣其實可以係非常寂寞,但係佢地都幫助我渡過左最困難既時刻,我唔逐個多謝佢地啦,佢地自己知道自己對我有幾重要。」

「能夠上陣對西布朗十分美好,但呢個只係序幕,為左係球會入面保持競爭力,我知道我每一日都要更加刻苦咁鍛鍊自己。


*你的支持是米活記者的最大動力,請到小編新開設既Facebook專頁按個like支持吧!
Facebook專頁 : https://www.facebook.com/melwoodinhk/



Source: http://www.liverpoolfc.com/news/first-team/221618-danny-ings-why-i-want-to-say-thank-you

如果喜歡我們的文章,請即分享到︰

標籤: 京斯  西布朗  

留言


請按此登錄後留言。未成為會員? 立即註冊
  • Wo Yuen 於 16/05/2016 評論 NO. 1

    YNWA

快捷鍵:←
快捷鍵:→