受疫情影響，今年嘅菁英盃安排咗喺港超開季前開鑼，比到一眾球會能夠喺港超球會喺開季之前，有一個檢閱年輕球員同新外援嘅機會。﹝有關呢個安排，我會另文再書﹞，亦都比咗一眾愛好港超嘅朋友，喺開季之前睇下辦。喺完成咗兩三輪菁英盃之後，相信大家都對各支球隊嘅實力有啲理解。呢篇文將會以菁英盃嘅賽績同表現為依歸，淺析來屆港超各球隊嘅水平同表現。廢話唔多講，我哋即刻入正題。
傑志 ﹝去季成績：冠軍﹞ - 青春風暴，尚欠火候？
﹝圖片來源：HKFA﹞
舊年喺驚濤駭浪之下，以些微優勢奪冠嘅傑志，今年嘅補強並唔多，更加有前線射手洛迪古斯同高美斯嘅離去，並由愉園簽入加維蘭作補充，其他新援如彭林林，回歸嘅顏卓彬等，都係一啲為將來培育打算嘅對象。正如球會班主伍健同主教練朱志光所言，今屆嘅傑志將會係年輕人表演嘅舞台。觀乎菁英盃嘅排陣，亦都證明兩位未有食言。即使賽制只係要求每隊出三位U-22 球員，但傑志所出嘅適齡球員比賽例要求嘅更多，亦都比咗更多嘅機會比啱啱超齡嘅球員。以青春風暴進襲港超，培訓年輕球員，固然可嘉，但出嚟嘅戰績，又有無去屆冠軍嘅霸氣呢？
進行咗四場分組賽之後，傑志兩勝流浪，並與飛馬同埋理文打成平手，不敗戰績似乎相當可人，但其實係有暗湧架。首仗輕取流浪，前線嘅安永佳，陳晉一表現活躍，安永佳更加連中三元，成功協助球會取得勝仗，但活躍還活躍，面對無踢補賽，尚未去到理想競技狀態嘅流浪，安永佳其實有機會爭取更多入球，無奈多次嘅「嘆慢板」，令球會未能以更大比分取勝，突顯出安永佳把握機會方面尚待改進。當然，傑志今季簽入正前鋒加維蘭，相信安永佳將會喺聯賽回歸邊路。但面對傑志 左陳右蘇嘅競爭，想突圍就必須加倍努力啦。而過後兩場面對飛馬同理文亦顆粒無收，只能喺再遇流浪下再次連中三元，亦反映出球隊喺年輕陣容底下破門乏力。如果有如朱Sir 所講會增援，鋒線嘅引援會唔會係一個考慮呢？同時，基爾頓喺進攻中場嘅位置亦備受批評同質疑，不禁令我想問「阿鞠呢？」以Killer Pass 而言，鞠盈智嘅處理相信會比基爾頓好，點樣取舍方面，就留比朱Sir 做決擇啦。
講完進攻講下防守，過去幾仗雖然叫做只失三球，但面對理文嘅逼搶，亦要靠王振鵬左飛右撲先力保不失，對第二次對流浪，更加喺早段極速失咗兩球。除咗反映球隊防守專注力不足之外，更加有一大缺口。賓紀文喺面對流浪時擔任右閘，雖然傳出質素相當高嘅傳中，但差勁嘅防守企位，就成為咗流浪撕破傑志防守嘅缺口。相信係聯賽，兩閘將會重新由羅梓俊同唐建文擔任，賓紀文如果會再移返上一格，相信防守嘅質素會進一步提高。同時，史雲斯頓雖然有更多上場機會，表現亦都合格，但要替補黃洋大哥嘅位置，相信亦都仲需要一定進步，唔係話史雲斯頓唔好波，不過黃洋嘅戰意，速率同眼界，亦唔係一朝一夕可以練出嚟，小仗們真係要多花功夫啦。
以港超阿積士自居嘅傑志，今屆補強真係唔多，雖然伍健指出球會仍會加入新援，但磨合仍然需要時間。基於以上種種，相信港超衛冕之路將會比去季更為艱難。
預測20 – 21 港超排名：3
東方龍獅﹝去季成績：亞軍﹞- 強大火力，劍指冠軍
﹝圖片來源：HKFA﹞
去季以一分之差飲恨嘅東方，今季簽入傑志舊將費蘭度，夥拍辛祖，盧卡斯，艾華頓喺前線攻堅，相信都矢志要重奪聯賽錦標，加埋來自台灣嘅亞援陳浩瑋、大熟大勇嘅鐘偉強同今季冒起嘅新秀王力威，。鋒線嘅豪華程度冠絕港超，但加盟東方嘅費蘭度，無幾耐就傳出受傷嘅消息。不過亦都不損東方嘅攻力。四場比賽過後，東方一共攻入12球，而前線三子就包辦當中9球，王力威亦有2球進帳。喺幾場比賽入面，唔難見到習慣單打獨鬥嘅艾華頓喺團隊合作方面比以往更進一步，更交出相當手術刀嘅直線比王力威入波，可見今季東方嘅比賽將會出現多場大手交易。
中場方面，擁有迪高、黃威、梁振邦等大將嘅東方自然唔成問題，但黃威表現相對下滑，李志堅教練亦都要喺催谷狀態呢方面多加功夫。後備方面，嘉耀早年已經引證咗自己嘅能力，亦有鄭子森嘅來投，兵源要質有質，要量有量，相信來屆可以有一番作為。
東方多年來嘅問題都係出於後防線，撇除一向表現穩健嘅葉鴻輝，一對中堅基頓同艾華度身體質素相當好，但下三路功夫就真係不敢恭維，面對行軍快速嘅球隊，相信都會吃下不少苦頭，幸而有大佬梁冠聰幫忙，有調整陣容嘅空間，開季後點樣揀，相信都係李志堅教練要下功夫嘅地方。兩閘嘅翟廷峰同黃梓浩立足超聯已經一段時間，質素唔差，但假若是但一個傷咗，可能就要出亞歷斯祖，奧利華等年輕球員，喺菁英盃嘅比賽入面，可以發現兩位喺磨合方面尚未做得好好，亦都未係好跟得上超聯嘅節奏，兩閘嘅兵源問題，相信李志堅教練都要考慮一下。另外，球隊係集中力方面亦都出現問題，喺被愉園反勝嘅賽事入面，制空力相當唔錯嘅東方後防線，竟然輸兩球角球攻勢。面對本身制空力強嘅盧斯安奴，都可能仲講得過去。但面對葉卓文嘅入球，竟然前柱大漏，後柱嘅葉卓文竟然無人看管輕鬆攪掂，可以見到球隊面對死球嘅集中力唔高，李志堅要執執啦。
原本諗住一篇文寫晒八隊，但寫寫下竟然已經二千字，今次嘅介紹就嚟到呢道，下一集希望同大家睇下理文同南區嘅情況。鐘意小弟分析嘅朋友，記得同身邊嘅本地波朋友分享啦！下次再見！
傑志 ﹝去季成績：冠軍﹞ - 青春風暴，尚欠火候？
﹝圖片來源：HKFA﹞
舊年喺驚濤駭浪之下，以些微優勢奪冠嘅傑志，今年嘅補強並唔多，更加有前線射手洛迪古斯同高美斯嘅離去，並由愉園簽入加維蘭作補充，其他新援如彭林林，回歸嘅顏卓彬等，都係一啲為將來培育打算嘅對象。正如球會班主伍健同主教練朱志光所言，今屆嘅傑志將會係年輕人表演嘅舞台。觀乎菁英盃嘅排陣，亦都證明兩位未有食言。即使賽制只係要求每隊出三位U-22 球員，但傑志所出嘅適齡球員比賽例要求嘅更多，亦都比咗更多嘅機會比啱啱超齡嘅球員。以青春風暴進襲港超，培訓年輕球員，固然可嘉，但出嚟嘅戰績，又有無去屆冠軍嘅霸氣呢？
進行咗四場分組賽之後，傑志兩勝流浪，並與飛馬同埋理文打成平手，不敗戰績似乎相當可人，但其實係有暗湧架。首仗輕取流浪，前線嘅安永佳，陳晉一表現活躍，安永佳更加連中三元，成功協助球會取得勝仗，但活躍還活躍，面對無踢補賽，尚未去到理想競技狀態嘅流浪，安永佳其實有機會爭取更多入球，無奈多次嘅「嘆慢板」，令球會未能以更大比分取勝，突顯出安永佳把握機會方面尚待改進。當然，傑志今季簽入正前鋒加維蘭，相信安永佳將會喺聯賽回歸邊路。但面對傑志 左陳右蘇嘅競爭，想突圍就必須加倍努力啦。而過後兩場面對飛馬同理文亦顆粒無收，只能喺再遇流浪下再次連中三元，亦反映出球隊喺年輕陣容底下破門乏力。如果有如朱Sir 所講會增援，鋒線嘅引援會唔會係一個考慮呢？同時，基爾頓喺進攻中場嘅位置亦備受批評同質疑，不禁令我想問「阿鞠呢？」以Killer Pass 而言，鞠盈智嘅處理相信會比基爾頓好，點樣取舍方面，就留比朱Sir 做決擇啦。
講完進攻講下防守，過去幾仗雖然叫做只失三球，但面對理文嘅逼搶，亦要靠王振鵬左飛右撲先力保不失，對第二次對流浪，更加喺早段極速失咗兩球。除咗反映球隊防守專注力不足之外，更加有一大缺口。賓紀文喺面對流浪時擔任右閘，雖然傳出質素相當高嘅傳中，但差勁嘅防守企位，就成為咗流浪撕破傑志防守嘅缺口。相信係聯賽，兩閘將會重新由羅梓俊同唐建文擔任，賓紀文如果會再移返上一格，相信防守嘅質素會進一步提高。同時，史雲斯頓雖然有更多上場機會，表現亦都合格，但要替補黃洋大哥嘅位置，相信亦都仲需要一定進步，唔係話史雲斯頓唔好波，不過黃洋嘅戰意，速率同眼界，亦唔係一朝一夕可以練出嚟，小仗們真係要多花功夫啦。
以港超阿積士自居嘅傑志，今屆補強真係唔多，雖然伍健指出球會仍會加入新援，但磨合仍然需要時間。基於以上種種，相信港超衛冕之路將會比去季更為艱難。
預測20 – 21 港超排名：3
東方龍獅﹝去季成績：亞軍﹞- 強大火力，劍指冠軍
﹝圖片來源：HKFA﹞
去季以一分之差飲恨嘅東方，今季簽入傑志舊將費蘭度，夥拍辛祖，盧卡斯，艾華頓喺前線攻堅，相信都矢志要重奪聯賽錦標，加埋來自台灣嘅亞援陳浩瑋、大熟大勇嘅鐘偉強同今季冒起嘅新秀王力威，。鋒線嘅豪華程度冠絕港超，但加盟東方嘅費蘭度，無幾耐就傳出受傷嘅消息。不過亦都不損東方嘅攻力。四場比賽過後，東方一共攻入12球，而前線三子就包辦當中9球，王力威亦有2球進帳。喺幾場比賽入面，唔難見到習慣單打獨鬥嘅艾華頓喺團隊合作方面比以往更進一步，更交出相當手術刀嘅直線比王力威入波，可見今季東方嘅比賽將會出現多場大手交易。
中場方面，擁有迪高、黃威、梁振邦等大將嘅東方自然唔成問題，但黃威表現相對下滑，李志堅教練亦都要喺催谷狀態呢方面多加功夫。後備方面，嘉耀早年已經引證咗自己嘅能力，亦有鄭子森嘅來投，兵源要質有質，要量有量，相信來屆可以有一番作為。
東方多年來嘅問題都係出於後防線，撇除一向表現穩健嘅葉鴻輝，一對中堅基頓同艾華度身體質素相當好，但下三路功夫就真係不敢恭維，面對行軍快速嘅球隊，相信都會吃下不少苦頭，幸而有大佬梁冠聰幫忙，有調整陣容嘅空間，開季後點樣揀，相信都係李志堅教練要下功夫嘅地方。兩閘嘅翟廷峰同黃梓浩立足超聯已經一段時間，質素唔差，但假若是但一個傷咗，可能就要出亞歷斯祖，奧利華等年輕球員，喺菁英盃嘅比賽入面，可以發現兩位喺磨合方面尚未做得好好，亦都未係好跟得上超聯嘅節奏，兩閘嘅兵源問題，相信李志堅教練都要考慮一下。另外，球隊係集中力方面亦都出現問題，喺被愉園反勝嘅賽事入面，制空力相當唔錯嘅東方後防線，竟然輸兩球角球攻勢。面對本身制空力強嘅盧斯安奴，都可能仲講得過去。但面對葉卓文嘅入球，竟然前柱大漏，後柱嘅葉卓文竟然無人看管輕鬆攪掂，可以見到球隊面對死球嘅集中力唔高，李志堅要執執啦。
原本諗住一篇文寫晒八隊，但寫寫下竟然已經二千字，今次嘅介紹就嚟到呢道，下一集希望同大家睇下理文同南區嘅情況。鐘意小弟分析嘅朋友，記得同身邊嘅本地波朋友分享啦！下次再見！
請按此登錄後留言。未成為會員? 立即註冊