喺啱啱過去嘅六月三號，香港隊喺2022年世界盃亞洲區外圍賽出戰伊朗，喺北面嘅球會唔放人，同埋唔少入籍兵退隊嘅嘅情況下，兵源緊絀就成為咗港隊主帥麥柏倫需要煩惱嘅一大問題，但經過咗90分鐘嘅比賽，雖然港隊敗陣，但唔少球迷都對港隊嘅表現感到相當滿意。究竟邊個踢得好，又有邊個需要再進步呢？麥柏倫同教練團隊，喺呢幾日又需要做啲咩呢？以下喺小弟對每名球員嘅少少點評，並將會係文末講下成隊波整體嘅發揮，分析下隊波嘅強弱點。時不宜遲，即刻開波。
港隊戰略 – 都係果套架啦。
面對住亞洲二哥，世界排名三十一嘅伊朗，實力差唔少嘅香港隊固然以守行先，希望以鐵血防守摸和強敵，所以排出咗一個防守力較強嘅4-5-1 陣式。「英雄輝」葉鴻輝繼續把守港隊嘅最後一關，中堅就由馮慶燁拍住艾里奧，左右二閘分別由陳晉一同唐建文擔任，中場方面，中場中排出三個防守型中場，黃洋，梁冠聰同迪高主責做掃蕩，左右中場由「傑仔」徐宏傑同孫銘謙擔任，並會喺受壓時直接落到兩閘位協防，成為6-3-1 嘅陣式，單箭頭就有靚仔小生「牙佳」安永佳。以下，我就會就住佢地嘅表現逐一點評。
門將 葉鴻輝 – 8分
喺一場失咗3球波嘅比賽入面，門將好多時都會受到質疑。但事實上，面對今場波嘅3個失波，有兩球省中人改變方向變成世界波，有一球就係Wide-Open 嘅近射，無論邊個龍門都欲救無從。相反，呀輝就繼續喺香港隊維持高集中力嘅表現，更加先後勇救伊朗隊嘅連翻施射，令港隊不致多失。有一球撲出咗近柱嘅近門勁射，更顯示出佢嘅反應，經驗同位置感。惟獨今次呢個陣容新面孔，新配搭都比較多，呀輝係統領防線方面今場做得相對唔夠，令伊朗隊能夠喺上半場輕易突破港隊嘅三閘線，進入危險範圍，喺守轉攻嘅提場上亦只屬一般，但單以守門員嘅角度去睇，8分呢個分數，佢絕對Deserve。
中堅 艾里奧 – 7分
艾里奧喺成功入籍後，一直都係港隊後防嘅其中一條支柱，超過20場嘅港隊上陣機會，喺今次嘅後防線組軍方面去睇，亦絕對算得上係老大哥。今次比賽無咗拍開嘅梁諾恒，中堅拍檔轉為無咩點夾過，嚟自東方嘅馮慶燁，防守上亦都無咩大誤會，兩者嘅分工相當清晰。身型高大嘅佢亦都喺死球同高空波嘅防守方面，為港隊貢獻良多。唯獨喺統領後防線方面，佢作為港隊嘅老大哥，我就期望佢做得更多啦。但以球員表現嚟睇，佢亦都完成咗佢嘅工作，所以比個7分佢。
中堅 馮慶燁 - 7.5分
過往喺代表隊無咩機會嘅馮慶燁，今次拍檔住之前只係夾過一次嘅艾里奧，仲要面對住西亞強豪伊朗，馮慶燁嘅表現相當集中，毫不怯場。全場作出多次關鍵解圍，更緊跟效力葡超班霸波圖嘅伊朗前鋒 Mehdi Taremi，同俄超最佳球員，效力辛尼特嘅Sardar Azmoun，與艾里奧嘅包位，鋒芒更掩蓋柏檔艾里奧。如果燁仔可以Keep 住呢個表現，相信佢將來一定會喺代表隊有更多上陣機會。
左閘 陳晉一 - 4分
講咗幾位踢得好嘅球員，去到呢度終於要迎嚟第一位表現相對失望嘅球員。喺傑志踢開左翼嘅陳晉一，今次被港隊主帥麥柏倫調到左閘，表現只可以用四個字嚟形容 - 「進退失據」。喺開賽初段，伊朗頻頻喺左路進襲，但一仔面對伊朗嘅閘位球員湧前進攻，明顯唔知自己係咪要逼定要行，喺佢仲思考緊嘅時候，左閘位已經被打穿，或者孫銘已經返嚟包返個位，令港隊左閘位成為缺口。
此外，左閘亦都係由守轉攻嘅第一個參與者，但今場一仔嘅決定就顯得十分猶豫。面對個人實力比自己高兩三個檔次嘅伊朗隊，踢得簡單，作出有效傳送，係左閘需要做嘅事，但當一仔仲拖緊個波嘅時候，伊朗球員已經作出埋身緊逼，最後一仔就只會被逼甩，或者被逼踢出橫邊，不單止未能由守轉攻，更將控球權拱手相讓比對手，徒添後防嘅壓力。
一仔喺今季受到傷患困擾，復出後嘅狀態一直麻麻，今場更加要踢佢唔熟悉嘅閘位，再加上缺乏大賽經驗，表現差，怯場，都可以話係意料中事。麥柏倫喺下一場係咪要繼續用佢？相信對教練團嚟講都係一個需要思考嘅地方。
右閘 唐建文 – 7分
近年喺傑志主要擔任後備嘅唐建文，返到港隊做返正選，表現實再令人驚喜，年屆36歲嘅唐文喺面對水平極高嘅伊朗鋒線，速度上難免有所輸蝕，但憑住打不死嘅決心，回身力逼之下，作出嘅攔截相當精準，對手喺右路亦都未算拎到太多嘅甜頭。喺轉守為攻方面，唐文亦透過紮實嘅傳送，表現出處變不驚嘅臨場應變能力，同廣闊嘅視野，甚具大將之風。惟獨第三球可能因為體力下降，莽於出腳而被對手突破，為佢喺呢場波嘅表現蒙上少少污點，但整體嚟講，唐文當晚嘅表現絕對令人眼前一亮。
講完後防，下一篇就會講下正選中前場嘅表現，記得唔好錯過啦！
港隊戰略 – 都係果套架啦。
面對住亞洲二哥，世界排名三十一嘅伊朗，實力差唔少嘅香港隊固然以守行先，希望以鐵血防守摸和強敵，所以排出咗一個防守力較強嘅4-5-1 陣式。「英雄輝」葉鴻輝繼續把守港隊嘅最後一關，中堅就由馮慶燁拍住艾里奧，左右二閘分別由陳晉一同唐建文擔任，中場方面，中場中排出三個防守型中場，黃洋，梁冠聰同迪高主責做掃蕩，左右中場由「傑仔」徐宏傑同孫銘謙擔任，並會喺受壓時直接落到兩閘位協防，成為6-3-1 嘅陣式，單箭頭就有靚仔小生「牙佳」安永佳。以下，我就會就住佢地嘅表現逐一點評。
門將 葉鴻輝 – 8分
喺一場失咗3球波嘅比賽入面，門將好多時都會受到質疑。但事實上，面對今場波嘅3個失波，有兩球省中人改變方向變成世界波，有一球就係Wide-Open 嘅近射，無論邊個龍門都欲救無從。相反，呀輝就繼續喺香港隊維持高集中力嘅表現，更加先後勇救伊朗隊嘅連翻施射，令港隊不致多失。有一球撲出咗近柱嘅近門勁射，更顯示出佢嘅反應，經驗同位置感。惟獨今次呢個陣容新面孔，新配搭都比較多，呀輝係統領防線方面今場做得相對唔夠，令伊朗隊能夠喺上半場輕易突破港隊嘅三閘線，進入危險範圍，喺守轉攻嘅提場上亦只屬一般，但單以守門員嘅角度去睇，8分呢個分數，佢絕對Deserve。
中堅 艾里奧 – 7分
艾里奧喺成功入籍後，一直都係港隊後防嘅其中一條支柱，超過20場嘅港隊上陣機會，喺今次嘅後防線組軍方面去睇，亦絕對算得上係老大哥。今次比賽無咗拍開嘅梁諾恒，中堅拍檔轉為無咩點夾過，嚟自東方嘅馮慶燁，防守上亦都無咩大誤會，兩者嘅分工相當清晰。身型高大嘅佢亦都喺死球同高空波嘅防守方面，為港隊貢獻良多。唯獨喺統領後防線方面，佢作為港隊嘅老大哥，我就期望佢做得更多啦。但以球員表現嚟睇，佢亦都完成咗佢嘅工作，所以比個7分佢。
中堅 馮慶燁 - 7.5分
過往喺代表隊無咩機會嘅馮慶燁，今次拍檔住之前只係夾過一次嘅艾里奧，仲要面對住西亞強豪伊朗，馮慶燁嘅表現相當集中，毫不怯場。全場作出多次關鍵解圍，更緊跟效力葡超班霸波圖嘅伊朗前鋒 Mehdi Taremi，同俄超最佳球員，效力辛尼特嘅Sardar Azmoun，與艾里奧嘅包位，鋒芒更掩蓋柏檔艾里奧。如果燁仔可以Keep 住呢個表現，相信佢將來一定會喺代表隊有更多上陣機會。
左閘 陳晉一 - 4分
講咗幾位踢得好嘅球員，去到呢度終於要迎嚟第一位表現相對失望嘅球員。喺傑志踢開左翼嘅陳晉一，今次被港隊主帥麥柏倫調到左閘，表現只可以用四個字嚟形容 - 「進退失據」。喺開賽初段，伊朗頻頻喺左路進襲，但一仔面對伊朗嘅閘位球員湧前進攻，明顯唔知自己係咪要逼定要行，喺佢仲思考緊嘅時候，左閘位已經被打穿，或者孫銘已經返嚟包返個位，令港隊左閘位成為缺口。
此外，左閘亦都係由守轉攻嘅第一個參與者，但今場一仔嘅決定就顯得十分猶豫。面對個人實力比自己高兩三個檔次嘅伊朗隊，踢得簡單，作出有效傳送，係左閘需要做嘅事，但當一仔仲拖緊個波嘅時候，伊朗球員已經作出埋身緊逼，最後一仔就只會被逼甩，或者被逼踢出橫邊，不單止未能由守轉攻，更將控球權拱手相讓比對手，徒添後防嘅壓力。
一仔喺今季受到傷患困擾，復出後嘅狀態一直麻麻，今場更加要踢佢唔熟悉嘅閘位，再加上缺乏大賽經驗，表現差，怯場，都可以話係意料中事。麥柏倫喺下一場係咪要繼續用佢？相信對教練團嚟講都係一個需要思考嘅地方。
右閘 唐建文 – 7分
近年喺傑志主要擔任後備嘅唐建文，返到港隊做返正選，表現實再令人驚喜，年屆36歲嘅唐文喺面對水平極高嘅伊朗鋒線，速度上難免有所輸蝕，但憑住打不死嘅決心，回身力逼之下，作出嘅攔截相當精準，對手喺右路亦都未算拎到太多嘅甜頭。喺轉守為攻方面，唐文亦透過紮實嘅傳送，表現出處變不驚嘅臨場應變能力，同廣闊嘅視野，甚具大將之風。惟獨第三球可能因為體力下降，莽於出腳而被對手突破，為佢喺呢場波嘅表現蒙上少少污點，但整體嚟講，唐文當晚嘅表現絕對令人眼前一亮。
講完後防，下一篇就會講下正選中前場嘅表現，記得唔好錯過啦！
請按此登錄後留言。未成為會員? 立即註冊