球迷投稿:一件波衫一個故事(一) Tim與他的25號

HK Blues 城迷手記 於 11/10/2017 發表 收藏文章
我希望分享呢件波衫嘅故事,因為呢一件波衫可以結合我嘅曼城回憶同"那些年"。
以前讀中學嘅時候,我記得讀書之外,就係足球。而我當週末嘅時候都離唔開同同學踢波同睇英超,尤其係睇曼城嘅賽事。然而,我見到同學有各自嘅波衫,我又係曼城球迷而且自己都好想有一件屬於自己嘅曼城波衫,我就想要一件突出到自己,而且設計又較特別-所以我就買咗14-15年曼城作客波衫,同印上自己嘅號碼同名字。

我之所以會選擇呢件波衫,係因為佢嘅由淺入深嘅設計相當獨特,而且像藍月亮一樣,十分有曼城色彩,所以我嘅心弦就被佢扣住,最後當然將佢買下。

呢件波衫我印咗"TIM"同"25"呢個數字,我印"TIM"就當然同我嘅英文名有關,而"25"係我使用最多次嘅學號,當時我嘅學號亦都係25號,所以印"25"號能夠突顯到我係25號嘅身份同呢個數字嘅緣份。
之後,我都有收藏曼城同埋其他國家隊嘅球衣,不過我最最最鍾意都係呢一件。

文:Tim

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→