[意甲wfc] 國際米蘭暗黑時代的最後武士 : 關於_柏拉斯奧_的二三事

McDog 麥狗體育台 於 30/05/2017 發表 收藏文章


尋日係意甲傷感之夜,除咗狼王離開羅馬,仲有國米後三冠黑暗時期之英雄柏拉斯奧會離開國米。


「國際米蘭是世界上最偉大嘅球會。」

踢罷聯賽收咧戰最後三十分鐘,呢位意甲無冕射手拋低呢句對球迷來說最窩心的說話就會離開國米。作為呢五年國米最有球味嘅前鋒 (小弟主觀認為,不喜勿插),作為國米小粉絲嘅小篇,希望藉此文紀念一下呢位昔日尖刀效力愛會期間發生嘅難忘事......

1.同樣來自熱那亞的阿根庭前鋒
大米09-10第一年由熱那亞來到國際米蘭就為藍黑軍奪得史無前例嘅意甲三冠王 (at least到呢一刻祖記仲未做到 XD) ,所以同樣都係嚟自熱那亞嘅柏拉斯奧令國際迷極為期待,而事實上30歲先加盟國米嘅佢12-13第一季嚟到嘅時候都完全交足功課,入12球5助攻,13-14更再推多步高達17球加7助攻, 滿以為起碼會持續強勁多一兩季,怎料來了個反高潮,整體表現高開低走了……

2.2014世界盃亞軍隊成員
當然柏拉斯奧並唔係主力(以後備上陣5次),不過佢條小辮子暴露於全地球嘅球迷眼前,而呢條幼細加長版嘅巴治奧辮仔亦成為當屆十大極醜惡髮型之一......

3.決勝之打吡後踭
2013聖誕前嘅呢一腳令當時嘅國米球迷過咗一個短暫嘅開心聖誕!
https://www.youtube.com/watch?v=i3wxSBwyvuQ

4.0失球記錄

2012意大利盃對維羅納,當時已領先二零嘅國米用盡三個換人名額下龍門受傷了,柏拉斯奧喺餘下數分鐘頂上守龍,結果並沒有失球,呢項紀錄相信冇其他龍門可以破到(笑)。


「不能為國米取得獎盃係一件很遺憾嘅事,但係請相信我地,我地已為球隊盡做……多謝球迷們嘅厚愛,對於我來說,你地嘅支持就已係最好嘅回報。」


再講到球迷們總係將佢同大米作比較,柏拉斯奧就有以下見解:


「大米永遠是最好的,佢永遠都係冠軍級人馬。我同佢無論場上同場外都完全唔同,佢係天生嘅領袖,佢嘅說話最能喺更衣室裡面憾動人心。」


咁對於同樣嚟自阿根廷嘅年青隊長伊卡迪,阿柏又有咩評價呢?


「伊卡迪雖然喺技術上已進步咗好多好多,禁區內嘅把握力可以話無可挑釁 ; 不過佢仲有好多嘢要學,佢肯定會成為世界級球員,不過呢一刻佢仲未係。」


留低最真誠嘅評語,留下最有球味嘅背影,


別了,小辮子,柏拉斯奧!

-----------------------------------------------------

你的like就是我們寫文的動力,過來給個like吧!
https://www.facebook.com/mcdogsports/


留言


請按此登錄後留言。未成為會員? 立即註冊
    快捷鍵:←
    快捷鍵:→