16/4/2016 第34輪
曼聯VS阿士東維拉
賽果：
1：0
曼聯：31'拉舒福特
維拉：
上星期曼聯作客比熱刺以3：0大炒之後，週中足總杯總算踢返場爭氣波，作客2：1擊敗韋斯咸晉級4強，今場將會主場對上榜尾既維拉，維拉今季只係贏得3場，可以肯定降硬班，再加上曼聯係主場成績一向唔錯，相信今場會係輕鬆拿下。
陣容：
迪基亞
華倫西亞 史摩寧 白連特 洛荷
費蘭尼 舒拉達連
馬達 朗尼 迪比
拉舒福特
用人方面，迪比、華倫西亞、週中取得入球既費蘭尼以及剛傷愈既朗尼都正選上陣，更加收起今季進攻核心馬迪爾，相信係因為對手係榜尾，雲高爾先放膽作出咁大既調動。
上半場大部份時間都由曼聯控球在腳組織攻勢，當中有威脅攻門亦不少，最具威脅一次係22分鐘拉舒福特係右路接近底線位置傳比馬達，馬達扭入禁區內起腳，可惜撻左Q，去到31分鐘，朗尼係中場罰球長傳比右路無人看守既華西，華西睇準度準一個地波傳中，拉舒福特禁區內接應射入為曼聯先開記錄，射入個人今季英超第4球。
下半場曼聯繼續係以高控球率控制比賽，47分鐘馬達一記靚直線比拉舒福特，拉舒福特射偏錯失拉開比數機會，直至82分鐘，由維拉後備入替既Gestede推過史摩寧，迪基亞出迎都未能解圍，經過一輪混亂先能阻止對方扳平，隨後維拉兩次角球禁區內既接應一次撞柱後補射射高，另一次迪基亞神反應接實，相信有睇既曼迷呢分鐘真係禁爆平安鐘，補時階段有馬迪爾禁區頂直傳，迪比推前左腳燙射，可惜比對方門將擋出，再度失機。
精選球員點評：
迪比：久違的正選上陣，迪比對上弱旅通常特別搶眼，今仗比較特別，佢控球之後少左好多自己帶住波過人，而佢至愛既左邊推大位遠射全場竟然只有一次，取而代之既係佢傳球既選擇上有好大既改善，同朗尼洛荷組織既攻勢都甚具威脅，佢本身亦都有唔錯既盤扭，所以希望佢爭氣啦。
華倫西亞：長期養傷下，華西今季首次正選上陣，佢可以話激活左曼聯右路既進攻，同馬達拉舒福特配合出色，亦能攻能守，更造就左今場致勝入球，係曼聯今季進攻力疲乏下，華西相當重要，希望佢能夠維持表現。
總評：
左右路攻擊平衡
曼聯今季攻擊嚴重依賴左路馬迪爾既突破，當對方囤兵右路防守既時候，曼聯就再無扳斧，呢個問題係雲高爾將馬達放右中場既時候就更加明顯。今場令我意外既係，賽前估計應該都係由大部份攻勢會係靠左路迪比既突破，但華西上陣反而令曼聯攻勢可以平均左右路，以往馬達係右邊?波後就會帶入中路之後就無之後，但今場馬達多左華西一個傳球選擇，華西既出波亦比達美安等右閘球員具威脅，盤扭功夫亦較好，以致係右路同馬達既配合更如魚得水，加上洛荷回復狀態，積極參與左路既攻勢，曼聯左右路攻擊平衡相信能夠幫助曼聯係之後既比賽取得多D入球。
賽後曼聯落後打少一場既曼城1分，排係第5位，下場比賽將會係週中主場對上水晶宮，希望能夠保持今季主場既佳績啦！
賽後感：
相信曼迷們見到曼聯對住隊榜尾球隊都係贏得一球都好氣憤，完全唔收貨，今季曼聯咁漂忽，大家都應該已經慣左失望、悶波，唯有寄望黎緊靜低幾場踢得好好睇睇，再睇曼聯高層點決定主帥既安排啦，小弟我見到雲高爾既調動、排陣，就真係唔希望係佢教落去，你估球迷睇悶波、輸無厘頭波唔辛苦咩？
曼聯VS阿士東維拉
賽果：
1：0
曼聯：31'拉舒福特
維拉：
上星期曼聯作客比熱刺以3：0大炒之後，週中足總杯總算踢返場爭氣波，作客2：1擊敗韋斯咸晉級4強，今場將會主場對上榜尾既維拉，維拉今季只係贏得3場，可以肯定降硬班，再加上曼聯係主場成績一向唔錯，相信今場會係輕鬆拿下。
陣容：
迪基亞
華倫西亞 史摩寧 白連特 洛荷
費蘭尼 舒拉達連
馬達 朗尼 迪比
拉舒福特
用人方面，迪比、華倫西亞、週中取得入球既費蘭尼以及剛傷愈既朗尼都正選上陣，更加收起今季進攻核心馬迪爾，相信係因為對手係榜尾，雲高爾先放膽作出咁大既調動。
上半場大部份時間都由曼聯控球在腳組織攻勢，當中有威脅攻門亦不少，最具威脅一次係22分鐘拉舒福特係右路接近底線位置傳比馬達，馬達扭入禁區內起腳，可惜撻左Q，去到31分鐘，朗尼係中場罰球長傳比右路無人看守既華西，華西睇準度準一個地波傳中，拉舒福特禁區內接應射入為曼聯先開記錄，射入個人今季英超第4球。
下半場曼聯繼續係以高控球率控制比賽，47分鐘馬達一記靚直線比拉舒福特，拉舒福特射偏錯失拉開比數機會，直至82分鐘，由維拉後備入替既Gestede推過史摩寧，迪基亞出迎都未能解圍，經過一輪混亂先能阻止對方扳平，隨後維拉兩次角球禁區內既接應一次撞柱後補射射高，另一次迪基亞神反應接實，相信有睇既曼迷呢分鐘真係禁爆平安鐘，補時階段有馬迪爾禁區頂直傳，迪比推前左腳燙射，可惜比對方門將擋出，再度失機。
精選球員點評：
迪比：久違的正選上陣，迪比對上弱旅通常特別搶眼，今仗比較特別，佢控球之後少左好多自己帶住波過人，而佢至愛既左邊推大位遠射全場竟然只有一次，取而代之既係佢傳球既選擇上有好大既改善，同朗尼洛荷組織既攻勢都甚具威脅，佢本身亦都有唔錯既盤扭，所以希望佢爭氣啦。
華倫西亞：長期養傷下，華西今季首次正選上陣，佢可以話激活左曼聯右路既進攻，同馬達拉舒福特配合出色，亦能攻能守，更造就左今場致勝入球，係曼聯今季進攻力疲乏下，華西相當重要，希望佢能夠維持表現。
總評：
左右路攻擊平衡
曼聯今季攻擊嚴重依賴左路馬迪爾既突破，當對方囤兵右路防守既時候，曼聯就再無扳斧，呢個問題係雲高爾將馬達放右中場既時候就更加明顯。今場令我意外既係，賽前估計應該都係由大部份攻勢會係靠左路迪比既突破，但華西上陣反而令曼聯攻勢可以平均左右路，以往馬達係右邊?波後就會帶入中路之後就無之後，但今場馬達多左華西一個傳球選擇，華西既出波亦比達美安等右閘球員具威脅，盤扭功夫亦較好，以致係右路同馬達既配合更如魚得水，加上洛荷回復狀態，積極參與左路既攻勢，曼聯左右路攻擊平衡相信能夠幫助曼聯係之後既比賽取得多D入球。
賽後曼聯落後打少一場既曼城1分，排係第5位，下場比賽將會係週中主場對上水晶宮，希望能夠保持今季主場既佳績啦！
賽後感：
相信曼迷們見到曼聯對住隊榜尾球隊都係贏得一球都好氣憤，完全唔收貨，今季曼聯咁漂忽，大家都應該已經慣左失望、悶波，唯有寄望黎緊靜低幾場踢得好好睇睇，再睇曼聯高層點決定主帥既安排啦，小弟我見到雲高爾既調動、排陣，就真係唔希望係佢教落去，你估球迷睇悶波、輸無厘頭波唔辛苦咩？
請按此登錄後留言。未成為會員? 立即註冊