// 阿仙奴對米杜士堡 // 賽後評論 精選

教授，生日快樂。
必須要讚揚教授近二十年對阿仙奴既付出。特別是近十年應付興建新球場無比的財政壓力。必須要承認若果用當年的天殘地缺陣容還可以每季能夠參與歐聯賽事，絕對是一件了不起的事。

觀看返個正選陣容方面，艾蘭尼取代咗受傷既卡蘇拿，而其他10個位置方面都冇特別調動。而我賽前亦都擔心連續幾場都唔輪換下陣容，恐怕好容易出現疲態既可能性，顯然這個擔心係整場比賽已經出現了。
米杜士堡領隊卡蘭卡明顯準備係90分鐘參照佢前拍檔摩連奴運用[拍大巴]同防守反擊去應對阿仙奴嘅小組入滲。開賽早段，阿仙奴明顯地主導咗整場比賽控球比率。頭15分鐘，阿仙奴恐怖地把控球比率達到(89%)，但是都係一些無謂嘅橫傳同禁區外圍嘅傳送。而米杜士堡亦把中場線同防線拉到接近禁區頂去應付阿仙奴嘅攻勢。


米杜士堡過咗一連防守之後就開始佢地嘅防反戰術，右路嘅查奧爾開始運用佢嘅速度黎突破阿仙奴後防，若果不是施治神勇演出，恐怕今場比賽三分已在米杜士堡那邊。

不得不讚施治嘅封位同反應仍然達到世界水平，多次化解咗對手嘅必入攻擊。而隊長高斯尼始於偶爾有一兩下不穩定嘅表現，好在有施治為高斯尼補救成功。但呢場高斯尼都有一下擋到尼格度嘅致命攻擊，我相信阿仙奴後防鐵三角係主宰今季阿仙奴既爭標之路。

整場比賽，阿仙奴明顯地冇咗卡蘇拿向前傳送同創造力，明顯地艾蘭尼同高基連都不能取代到卡蘇拿嘅地位。所以係呢場比賽阿仙奴完全只靠奧斯爾一個能力不足以破解[大巴陣]。

我最想表達就係禾確特嘅表現，今季看似係佢爆發嘅一季，但好明顯我覺得教授應該要按照對手排陣黎選出正選球員和靠調動來擊破對手戰術。禾確特一向都不擅於對戰死守球隊，因為佢係擅長無球走動同入偰，而佢近乎零嘅突破能力導致佢有時係場上失誤較多。所以我認為對陣死守球隊應該出張柏倫較為好，因為佢有種神來之筆嘅遠射同強行嘅突破能力。

還有就是今場明顯係小咗 ONE TWO 撞入禁區呢下戰術，而中前場球員十分小拉扯走位導致好多時候都係企死咗係到，根本無可能解決到對應大巴嘅方法。而去到球賽未段還用兩邊傳中來攻擊對手，是問山齊士只有約170CM 高度點能夠去頂贏對手高大中堅? 還有傳中接應點實在太過小，根本不能夠造成任何威脅。我相信從中間打入去會比兩邊傳中機會高。


我相信對戰完般尼同米杜士堡，會明白到基奧特係陣中嘅重要性，因為冇佢衝鋒同做前場HOLD波嘅第一點，阿仙奴仲未有方法可以突破到死守球隊嘅防線。


至少能夠登上一晚榜首，送給教授一份小的生日禮物。

小弟第一次發報評論，希望大家多多支持。