紐卡素今季的特點:攻弱守強,遇強愈強,遇弱愈弱

大俠sports 足球 於 18/09/2015 發表 收藏文章
紐卡素成立於1892年,外號喜鵲,主場係聖占士公園球場!今屆領隊為麥卡倫。

經過五輪既英超比賽之後,暫時為列榜尾既球隊竟然係...紐卡素?!無錯!暫時佢地既戰績係2和3負!五輪聯賽係只碌得兩分!更重要既問題係入球數只有兩球,失球則有七球。依個數據正正反映到佢地面對既問題攻弱守強!

我話紐卡素攻弱你會理解,點解我會話佢地守強呢?!因為佢地係聯賽分別能夠以0:0 守和曼聯,同埋只係以一球輸比阿仙奴!面對兩支前列份子,佢地係依5仕1比賽既防守體系,又前鋒至後防都做得好出色,面對阿仙奴既失球只係一球幸運成份既改變方向入網!攻力方面,佢地既兩球入波都只係係佢地既第一場波面對修咸頓既時候取得!之後既四場聯賽都係零入球!

講完佢地攻弱守強,你會覺得如果佢地守強就唔會對史雲斯同韋斯咸都失兩球!依個問題正正就係引伸到我想講既第二個特點:遇強愈強,遇弱愈弱喇!點解會咁講呢,同埋點解會出現依個情況呢?!

遇強愈強就係面對前列份子時,紐卡素往往成隊波既士氣,陣形,團結度都會大大提升!因為佢地都希望能夠藉此提升外界對佢地既睇法,目標一致(就係防守,等突擊)!亦都令到佢地往往能夠藉此守得住前列對伍既攻勢!

遇弱愈弱就係面對同球隊實力相若或較差既對伍時反而會輸波!紐卡素作客對韋斯咸既時候,佢地係控球較多既一方,控球百份率達六十二%!點解反而會0:2落敗呢?!因為紐卡素既戰術往往係打防守等待反擊既球隊!要佢地做主攻既一方反而會令到佢地進退失據!佢地既中場球員哥碧克,安妮達等都係防守型既球員,而施素高等只係側擊型既球員,欠缺具創造力以及分波既球員!而當佢地需要作主攻既一方時,往往就會面對無從入手,球員企位太前既問題!造成進退失據既問題!

究竟領隊麥卡倫有咩方法能夠改變呢?!小編認為紐卡素可以以左右兩閘作為進攻既起點,哥碧克,安妮達等係佢地引球推進或助攻時移後補位,減少佢地因為助攻時出現太多空位!加入泰奧雲,施素高等多作邊線既配合,多在兩邊出波,利用施斯或米度域既高空優勢,同時多在邊線進攻亦能增加角球,罰球等機會!這樣就可以增加兩名高大中堅上前頂波進攻既機會,顯露佢地頭鎚得分既威力!


希望大家多多支持我!click入facebook page比個like我地!!入面會有我既文章,包括足球,籃球,各項運動等!https://www.facebook.com/大俠Sports-517836178373526/

大家如果有球隊希望我作分析既都可以係留言個度講~我會嘗試下~~謝謝~

如果喜歡我們的文章,請即分享到︰

標籤: 英超  

留言

會員
我要評論
請按此登錄後留言。未成為會員? 立即註冊
  • 亨利仔
    亨利仔 於 18/09/2015 評論 NO. 1

    紐記今年都係似要護級

快捷鍵:←
快捷鍵:→