利物浦對熱刺 賽後短評

由比賽初段Dier一球自殺傳送令利物浦1比0領先, 比賽就已經進入攻防戰, 利物浦縮後熱刺圍攻...當熱刺傳後時利物浦都會壓前迫熱刺傳番俾Lloris, 但大部分時間都縮係後場, 3名中場中Henderson,Milner,Can緊密連繫, 令熱刺中路完全組織唔到, 同對曼聯個場剛剛相反...亦表示只要堵塞熱刺中路, 就可以將其威脅大大減低...Eriksen, Alli, Son, Kane都塞係中路, 傳中又唔夠Lovren, v.Dijk頂...順帶一提Lovren表現非常好, 唔通Lovren拍v.Dijk先係最強?
利物浦對住強隊表現確係唔同, 又出現番對曼城個場既防守紀律, 穩穩陣陣咁係中場佈防, 點解唔可以場場都有咁既紀律? 當然今場係Henderson加Milner防守上可能好少少, 但反擊無左Chamberlain就差D, 所以好多時間都被熱刺圍攻, 突破只靠送長傳上前場走, 好難有機會

然後高普竟然65分鐘開始換人, 換入Wijnaldum, Chamberlain, 換走Henderson,Mané, 保持活力同中場厚度, 減少反擊, 最後換埋Matip入黎打3中堅, 擺明想守住1球...對高普黎講確係少見咁保守, 睇黎高普係有決心想擺脫海鮮波之名

但高普如意算盤打唔響...
熱刺多由Dembélé係後場引球推進, 利物浦都知道呢點經常搵人貼身招呼, Dembélé手長腳長又大隻, 要搶真係唔係咁易, 不過delay到佢或者令佢無咁舒服已經OK, 有幾球都成功迫甩左Dembélé腳下球

所以Dembélé 79分鐘就被換下, 應該已經用盡氣力

不過估唔到Wanyama一入黎就搞串個Party, 本身傳送唔算佢強項但竟然送左個靚過頭波俾Eriksen, 然後一個遠程炮: 轟啊~ 我睇直播時問: 入左啦? 真係唔覺入左, 但事實係入到好靚...

1比1後即刻成場Open play, 兩隊放開懷抱快上快落, 直至一球爭議性十二碼...大家覺得有冇越位? 賣個關子聽日出球例分析講下

總之Kane竟然兜口兜面射落Karius到...轉個頭Salah爆seed個人show入多球...
當以為搞掂之際...

最最後v.Dijk疑似踢左落Lamela到, 球證即時表示無犯規, 但旁證起勢Fing旗然後走落底線, 表示佢見到並且認為係十二碼, 主球證即刻吹十二碼...係球例黎講, 旁證即助理裁判, 係有權協助吹罰既, 但當時位置係禁區較中央位置, 的確好少會由旁證去吹罰, 除非主球證視線受阻...係呢個時候旁證都敢fing旗代表佢睇得好清楚, 好肯定係一個犯規...好可惜v.Dijk其實無踢落Lamela到, 再睇重播主球證被人群遮住, 旁證係咁遠...

第二球十二碼事後真係睇左好多次, 而家有兩條片
https://www.facebook.com/LiverpoolKopEnd/videos/871708006323126/
https://twitter.com/aa_richards/status/960226097303576576
大家睇完自行判斷

睇利物浦真係唔到最後一刻都唔知發生咩事...