利物浦對曼城賽後短評

利物浦對曼城賽後短評

利物浦4個入球4個哇...D信心番晒黎, Coutinho?邊個黎?

近期我都係到講點樣擊敗曼城, 點知利物浦就做到

利物浦演釋左點樣係防守同迫搶之間攞到平衝, 加上反擊, 令曼城前中後都出現混亂。上半場利物浦有適當咁迫搶, 當曼城搓過左最前3個, 利物浦整條中場線同防線就會慢慢退後變番陣地戰, 唔俾空位D.Bruyne發揮, 而Can係防中位置殺左好多波, 絕對係利物浦既無名英雄。

其次成隊利物浦都好有信心, 連Lovren既演出都連人刮目相看(雖然最後...), 其實Gomez overall係幾好, 但就擺脫唔到炸彈之名, 失個球右閘無理由咁樣失位被Sane過, Karius輸近柱都有少少責任。
而Chamberlain更加唔洗講, 先唔敢話佢取代左Coutinho, 但佢有嘗試去創造。Chamberlain係有唔錯既視野, 好多位佢都見到, 但就差D火喉, 時機同傳送既技術可以再好D。而Firmino既入球正正就係Chamberlain既直線助攻, 角度同力度令Stones不知所措。

被入左一球既曼城突然之間走樣, 後防多次犯錯利物浦當然唔會放過呢個機會, 即刻加強迫搶, 曼城短短幾分鐘係後場出現3個致命錯誤, 利物浦把握到2個, 射成4比1。

再講Sterling, 唔知係唔係倒戈被噓既關係, 真係無腳好波, 傳停帶射無樣做好。

D.Buryne受限於利物浦中場既夾擊亦無乜發揮, 連Agüero係前面都好靜, 對住上身既Lovren都無啖好食。
呢個時候就會掛住D.Silva, 雖然唔知點解會放D.Silva係後備席, 連落後都唔換佢入黎搏一搏。但少左D.Silva既走動就好難拉散利物浦既防線, 始終Gündogan唔係個種靈活走動既中場, 單靠D.Buryne一個被mark死就係咁先

曼城前線多個一齊發揮唔好之下, 兩邊無乜威脅, 驚左利物浦反擊兩閘又唔敢太上, 中路又無左D.Silva, 此消彼長, 利物浦每個都愈打愈有...

不過利物浦救心之名都唔係浪得虛名, 4比1之後個幾分鐘仲繼續搶我明白, 但之後曼城慢慢回氣後仲有冇需要搶? 一切都係換走Can之後發生, Milner有氣有力落黎搶, 但4比2個球就係因為佢亂搶而令到中場穿左, 而Lovren同Matip同時衝前補位, 令到左邊得番Robertson一個。

4比3個球更加唔應該失, 防守明明夠晒人中間都可以漏左Gündogan? Lovren打左成場好波就係miss左呢兩球, 幾個後防炸彈都唔係講笑...
最後連唔係利迷都要食救心