阿仙奴的隊型

呢張圖係BBC節目Match of the Day既截圖
顯示左車路士對阿仙奴既比賽入面，阿仙奴各球員既平均位置，即係球員大多數時間出現既位置，大家可以見到非常工整，節目中既球評家形容「It is a team, it is a team shape」。

每個位置都安份守己，終於見到Bellerin出現係右邊，Kolasinac係左邊，整隊最自由應該係Ramsey，佢既平均位置比Xhaka前少少代表Ramsey進攻意慾較強。

當然呢張圖唔係代表阿仙奴球員全部企死一個位唔郁，但近年既阿仙奴好少見到咁有紀律既部署，因為大家印象既阿仙奴都係不斷走位，one touch，快上快落。

原因會唔會係無左兩名主力：Ozil同Sanchaz? 呢兩位球員創造力好強，相對雲加會比好高自由度佢地發揮，佢地唔甘於企死一個位，會不斷走動攞波製造攻勢，其他球員就需要走動配合、補位。呢個做法有好有唔好，當兩位主力狀態好既時候，當然會有d入肉，悅目既配合組織；但當兩位主力無態時，其他隊友如常走位配合，但佢地卻做唔到平時做到既野，失控球權時眾人都唔係慣常位置，導致失位頻頻，例如中堅補左閘，中場補中堅，最後中場空晒，只會得個亂字。
但呢場車路士對阿仙奴無左呢兩名主力，好似更有效率？