皇馬對拜仁賽後短評 精選 深度

拜仁首回合落後1比2，失左兩個作客入球，就算作客出擊當然攻攻攻
陣容方面整體同上回合一樣仍然以4141為主，唯一特別係防中位置由Alcántara代替上回合既Martínez，Tolisso打上一格。拜仁防守Alcántara逗係最後，形成4141，進攻時轉成4231，Alcántara適時會後上插入，但大部分時間位置都留後較炮；而Tolisso角色定位為BoxtoBox，多次殺上禁區附近支援，拜仁第一個入波Tolisso出現係小禁區。另一個焦回係左閘Alaba復出，配合Ribéry左路攻力將更強。不過Benzema既入波正正係Alaba失位所致。

輪到皇馬，對比首回合亦有幾個出人意表既變動。首先Casemiro竟然無正選，由Kovacic擔任防守中場，呢個調動係有少少唔明，Kovacic同Casemiro最大既分別就係組織時Kovacic係最後組織個個，但論防守理論上係Casemiro好d，所以係呢場理應防守既比賽反而派出Kovacic，相信係想轉守為攻時可以更快。
另外就係Carvajal既受傷，由Vázquez出任右閘，雖然上場Vázquez客串過一陣，但係有d冒險，加上右中場係Modric，皇馬既右路防守可以話係零。再睇埋左路Marcelo加Asensio，皇馬兩邊防守都...

陣式上防守以442為主，Asensio回後成左中場，收窄防線同中場間空位，留兩邊俾拜仁。進攻時Asensio會上前形成433，前面3人自由走位忽左忽右以反擊為主，但機會唔多。

再對比番拜仁既兩邊攻擊力，左邊Ribéry加Aalba，右邊有Kimmich，拜仁專攻兩邊既話一定有著數。上半場Kimmich既入球正正係Asensio無跟埋Kimmich入禁區而失，而上半場拜仁亦多次由左路發動攻勢，Modric同Vázquez果然被針對。

整個上半場皇馬都非常被動，半場休息後雙方都無任何調動。下半場一開始Ulreich一個低級失誤，真係非常低級，寧願輸個間接自由球好過咁樣漏俾Benzema...
下半場一開波咁樣輸，拜仁後追個勢都未開始已經被撲熄。

拜仁繼續加緊兩路進攻，皇馬防守時繼續442縮窄防守，亦只能俾兩邊拜仁攻。拜仁唔係無機會，但每個機會都差d，James追平一球正正由兩邊傳中而黎。

施丹見兩邊持續被轟炸，終於換入Casemiro同Bale，轉成451，Bale左中場Asensio右中場，加強番兩邊防守，但右邊係Vázquez加Asensio，防守上好似不進反退，拜仁主要傳中仍然從左邊而來。

軒加斯用埋最後一著，換入Wagner繼續加強高空轟炸，比賽後段確實攻勢不斷，皇馬門前一片混亂，但就係唔可以將個波送入網。拜仁全場22腳射門，10腳中目標，但只能攻入兩球，Navas真係功不可沒，幾下神救拯救左皇馬。
Ulreich一個失誤送拜仁出局，Navas幾下神救送皇馬入決賽...