曼聯中場往往都係舉足輕重，由史高斯開始到堅尼，發展到依家有普巴，都見得到曼聯對中場中嘅重視。不過「傳曼聯」最近嘅中場目標桑恩朗達夫（Sean Longstaff）可以稱得上係名不見經傳，英超上陣次數固然少之又少，喺報紙見到佢嘅次數都唔多，最叻仔都只係哥迪奧拿讚過佢，話「我隊人搞佢唔掂(笑)」，止此而已。點解呢個小將可以突破重圍，得到紅魔鬼嘅注視呢？可能要由蘇B嘅戰術睇起。
睇咗《大膽！梳爾大爆曼聯下季戰術部署？》一文，大家應該有概念曼聯下季想打咩風格嘅足球：壓逼性強、全民皆「鋒」，個個都可以進攻亦應該進攻，而且唔放過任何一個入波機會，重現水銀瀉地嘅攻擊「魔性」。而呢位桑恩朗達夫會唔會好啱呢隻打法呢？蘇超嘅老牌前鋒基斯保迪（Kris Boyd）曾經與外借到蘇超嘅朗達夫對壘，佢接受《天空體育》訪問時就俾到啲inslight大家：「佢同一般人好唔同，尤其係同現代球員有分別，我會稱之為『反樸歸真』。依家啲後生球員好睇數據，會簡單化自己嘅成就，好保守咁追求傳送成功率、想為球隊奪得控球權，因為數據靚仔啲。朗達夫唔同，佢唔怕冒險，而且好有射門意欲、好有向前交波嘅意識。就算前5次都交失，佢仍然會試第6次，因為只要有機會製造入球，佢就唔會放棄嘗試。」
基斯保迪認為佢係攻擊球員嘅好拍檔：「作為前鋒，如果你無波走位入禁區但無供應，你會好沮喪然後返後場去搵波。但有朗達夫在場上你可以毫不猶豫跑入禁區，因為你知佢幾時都會留意住你喺邊，然後交出一個超高難度嘅傳送俾你嘗試攻門。現代足球已經開始改變，無人再想要一個乖乖嘅機械人，淨係踢安安全全嘅足球。大家追求嘅係創造力同肯冒險嘅精神，所以點解朗達夫咁受注目。」
同樣地，另一位新將丹尼爾占士都有少少呢一種影子：唔會怕同你搏，可能好跌跌撞撞，可能first touch 同控波都只係二流技術。不過腳法可以練，體能可以操，勇往直前嘅心態係教唔嚟嘅。呢個就係蘇B眼中要搵擁有「曼聯魂」嘅球員，慢慢琢磨成才嘅長遠諗法。所以如果真係有機會買到朗達夫，好球員梗要早啲mark 實封盤！
睇咗《大膽！梳爾大爆曼聯下季戰術部署？》一文，大家應該有概念曼聯下季想打咩風格嘅足球：壓逼性強、全民皆「鋒」，個個都可以進攻亦應該進攻，而且唔放過任何一個入波機會，重現水銀瀉地嘅攻擊「魔性」。而呢位桑恩朗達夫會唔會好啱呢隻打法呢？蘇超嘅老牌前鋒基斯保迪（Kris Boyd）曾經與外借到蘇超嘅朗達夫對壘，佢接受《天空體育》訪問時就俾到啲inslight大家：「佢同一般人好唔同，尤其係同現代球員有分別，我會稱之為『反樸歸真』。依家啲後生球員好睇數據，會簡單化自己嘅成就，好保守咁追求傳送成功率、想為球隊奪得控球權，因為數據靚仔啲。朗達夫唔同，佢唔怕冒險，而且好有射門意欲、好有向前交波嘅意識。就算前5次都交失，佢仍然會試第6次，因為只要有機會製造入球，佢就唔會放棄嘗試。」
基斯保迪認為佢係攻擊球員嘅好拍檔：「作為前鋒，如果你無波走位入禁區但無供應，你會好沮喪然後返後場去搵波。但有朗達夫在場上你可以毫不猶豫跑入禁區，因為你知佢幾時都會留意住你喺邊，然後交出一個超高難度嘅傳送俾你嘗試攻門。現代足球已經開始改變，無人再想要一個乖乖嘅機械人，淨係踢安安全全嘅足球。大家追求嘅係創造力同肯冒險嘅精神，所以點解朗達夫咁受注目。」
同樣地，另一位新將丹尼爾占士都有少少呢一種影子：唔會怕同你搏，可能好跌跌撞撞，可能first touch 同控波都只係二流技術。不過腳法可以練，體能可以操，勇往直前嘅心態係教唔嚟嘅。呢個就係蘇B眼中要搵擁有「曼聯魂」嘅球員，慢慢琢磨成才嘅長遠諗法。所以如果真係有機會買到朗達夫，好球員梗要早啲mark 實封盤！
請按此登錄後留言。未成為會員? 立即註冊